KTMT-nin Kollektiv Təhlükəsizlik Şurasının sabiq baş katibi, Ermənistan ordusunun Baş Qərargahının sabiq rəhbəri, general-polkovnik Yuri Xaçaturovun oğlu, general Qriqori Xaçaturovun məhkəməsi keçirilib.
BUTA.TV xəbər verir ki, məhkəmənin qərarı ilə Xaçaturovun həbs müddəti daha 3 ay uzadılıb.
Hazırda Xaçaturovun tərəfdarları məhkəmənin həyətinə toplaşaraq məhkəmənin qərarına etiraz edirlər.
Qeyd edək ki, Paşinyan hakimiyyətə gələndən qısa müddət sonra Yuri Xaçaturovla insident yaranmışdı. Hətta KTMT baş katibi haqda Ermənistanda həbs qətimkan tədbiri də seçilmişdi. Rusiyanın təkidi ilə Y.Xaçaturov həbsdən azad edilsə və ölkədən çıxsa da, Paşinyan onun KTMT-dəki baş katib mandatını geri aldı.
Bu baxımdan Paşinyanın istefasını tələb edən 41 yüksək çinli zabitin sırasında Qriqori Xaçaturovun olması təsadüf deyil. Xaçaturovlar Rusiyanın maraqlarının qatı təmsilçiləri sayılırlar və orduda da rusyönümlü qüvvələrin əsas dayaqlarından idilər.
Q.Xaçaturov 2020-ci ilin İyun savaşının birbaşa təşkilatçısı və icraçısı sayılır. Belə ki, Tovuza hücum əməliyyatına rəhbərlik edən şəxslərdən olub.
O, 2021-ci ildə, Paşinyanın istefasını tələb edəndən bir neçə ay sonra vəzifəsindən azad edildi və barəsində cinayət işi qaldırıldı. İki dəfə saxlanılsa da, istintaq müddətində azadlıqda qalmağı bacarmışdı. Bu ilin fevral ayında isə onun haqqında həbs qətimkan tədbiri seçilib.
- Azərbaycanda aviabilet qiymətləri daha əlçatan ola bilər
- Təyyarə biletləri ilə bağlı tədbirlər görüləcək – Sərəncam
- Daha 34 ölkəyə vizasız gedə biləcəyik
- “Bu kəndlər Ermənistan ərazisi deyil”
- Hərbi biletlə bağlı qərar: 200 manat cərimə...
- İlham Əliyev fərman imzaladı
- Beşinci qrup üzrə qəbul planı nə qədərdir?
- Hasil Abbasov bu xanıma yüksək vəzifə verdi