İranın Sistan və Bəlucistan əyalətinin Zahidan şəhərində 16-cı polis bölməsinə iyulun 8-i səhər saatlarında edilən silahlı hücumu “Ceyş əl-Ədl” təşkilatı öz üzərinə götürüb.
BUTA.TV xəbər verir ki, bu barədə təşkilatın yaydığı bəyanatda bildirib.
“Ceyş əl-Ədl” təşkilatı hamının diqqətinə çatdırmaq istəyir ki, onun İlahi Ədalət Strateji Batalyonunun fədailəri bəluc xalqının qanlı cümə faciəsinin əsas səbəbkarı olan 16-cı polis bölməsinə uğurlu hücumun məsuliyyətini öz üzərinə götürür”, - bəyanatda yazılıb.
Qeyd edək ki, bu gün səhər saatlarında Zahidan şəhərində 16-cı polis bölməsinə silahlı hücum nəticəsində 2 polis və 4 hücumçu həyatını itirib.
“Ceyş əl-Ədl” Sistan və Bəlucistan əyalətində İran rejimi ilə silahlı mübarizə aparan sünni məzhəbli etnik bəlucların silahlı qruplaşmasıdır.
Təşkilat bu günə kimi əyalətin müxtəlif bölgələrində SEPAH qüvvələrinə qarşı çox sayda əməliyyatlar həyata keçirib. Son illərin ən əhəmiyyətli əməliyyatlarından biri 16 fevral 2019-cu ildə Zahidan-Xaş yolunda baş tutub. Həmin əməliyyat nəticəsində SEPAH-ın 27 üzvü öldürülüb, 13 nəfər isə yaralanıb.
- Rusiyada azərbaycanlıların məhkəməsi başladı
- Kremlin “izahatı” qəbul edilmədi, Bakı səfəri ləğv etdi...
- Markovdan Yekaterinburqdakı hadisəyə reaksiya: Dəhşətdir
- Aleksey Overçukun Azərbaycana səfəri ləğv edildi
- Seyfəddin Hüseynli Rusiyadakı qardaşlarının qətlindən danışdı
- Azərbaycan Pakistana başsağlığı verdi
- Azərbaycanlılara hücum: Bakıya lazımi məlumat verilib - XİN
- Səbinə Əliyeva Rusiya Ombudsmanına məktub ünvanladı