Əsas səhmdarı “Bank Respublika” olan “Bakı Sığorta” şirkətinin biznesi getdikcə daha da kiçilir. 

“Yeni Sabah”ın əldə etdiyi məlumata görə, sığorta şirkəti bu ilin ilk yeddi ayında 3,2 milyon manat sığorta haqqı toplayıb. Bu isə ötən ilin eyni dövrü ilə müqayisədə 13% və ya 475 min manat azdır. 2022-ci ilin yanvar-iyul aylarında sığorta şirkəti 3,7 milyon manat sığorta haqqı toplaya bilmişdi. 

Bu dövrdə “Bakı Sığorta”nın sığorta ödənişləri isə əksinə, 5,3% və ya 78 min manat artaraq 1,54 milyon manata yüksəlib. Yığımların azalması fonunda ödənişlərin artması sığorta şirkətinin zərərliliyinə, yəni ödəniş-yığım nisbətinə də təsirsiz ötüşməyib. 

Belə ki, “Bakı Sığorta” 2022-ci ilin ilk yeddi ayında topladığı hər 100 manatdan 39,5 manatını ödənişə yönəltmişdirsə, bu ilin eyni dövründə bu rəqəm 47,8 manata qədər artıb. 

Xatırladaq ki, “Bakı Sığorta” 1994-cü ildə yaradılıb. Onun nizamnamə kapitalı 8,925 milyon manatdır. Şirkətin səhmdarları "Bank Respublika" ASC (51,29%), “Toyota Absheron Center” MMC (9,38%), “Subaru Azərbaycan” MMC (9,38%), “Yeni Motor” MMC (9,38%), Murad Rəhimov (6,97%), Behbud Nəcəfov (6,93%) və “Ekolizinq” MMC-dir (6,68%).

• Ancelina Coli Ukraynaya səfər etdi
• “Yaxşı ki, tibbə qəbul olmadım” - 617 balla baytarlığı seçən Xaliq
• Szinpin bu türk ölkəsinə səfər etdi
• Ukraynanın məğlubiyyəti yaxınlaşır - Peskov
• Kipr sahillərində 297 sərnişinin olduğu gəmi batır
• Dəhşətli anlar: Təyyarəni qaçırıb AES-ə doğru sürdü
• ABŞ-la neft sazişi: Rodriges detalları açıqladı
• “Hər bir ailənin öz yaxınlarının taleyini bilmək hüququ var”