Bakı şəhəri İcra Hakimiyyətinin Ümumi şöbənin böyük mütəxəssisi vəzifəsində çalışmış Hökümə Əliyevə həbs edilib.

BUTA.TV xəbər verir ki, H.Əliyeva barəsində X.Əyyubzadə adlı şəxs hüquq-mühafizə orqanlarına müraciət edib.

O bildirib ki, 2019-cu ildə H.Əliyeva onu Milli Məclisdə mütəxəssis vəzifəsinə düzəldəcəyini vəd edərək 55 min manat alıb. H.Əliyeva ona aylıq 2500 manata yaxın maaş alacağını deyib.

Lakin H.Əliyeva verdiyi vədə əməl etməyib.

O bildirib ki, pulu Hikmət adlı başqa məmura verib və geri ala bilmir.

Araşdırmalar zamanı X.Əyyubzadə ilə H.Əliyevanı Sumqayıt şəhər 15 saylı orta məktəbin müəllimi olan qadının tanış etməsi də məlum olub. Həmin qadın X.Əyyubzadədən alınan pulun 10 min manatını özünə götürüb. Qalan 45 min manat isə Höküməyə çatıb.

Faktla bağlı cinayət işinin başlanmasından sonra həmin şəxs özündə saxladığı 10 min manatı geri qaytarıb.

Qeyd edək ki, H.Əliyeva 2021-ci ildə öz ərizəsi ilə BŞİH-dəki vəzifəsindən azad edilib.

Sumqayıt Ağır Cinayətlər Məhkəməsində H. Əliyeva barəsində Cinayət Məcəlləsinin 178.3.2-ci (Dələduzluq-külli miqdarda ziyan vurmaqla) maddəsi ilə açılmış iş üzrə məhkəmə prosesi bu ilin sentyabrında başa çatıb.

O, 5 il həbs cəzasına məhkum edilib.

• Hirkan Milli Parkı zibil tullantılarının əsirinə çevrilib - Foto
• Maşını xəttə uyğun saxladı, amma yenə cərimələndi - Video
• Bəzi ərazilərə leysan yağdı
• Bakıda azyaşlı bacı-qardaş itkin düşdü
• “Çox yox, sistemli oxumaq lazımdır” - 400 bal toplayan Paşa
• Köməkçisi ilə mərc yazışmaları üzə çıxdı - Fotolar
• Həftəsonu rayonlara gedənlərin nəzərinə!
• Xırdalanda yaşayış binasında yanğın - Video