Kreml Ermənistanın Baş naziri Nikol Paşinyanın MDB-nin Bişkek sammitində iştirak etməməsinin səbəblərindən xəbərdardır.
BUTA.TV xəbər verir ki, bu sözləri Rusiya Prezidentinin köməkçisi Yuri Uşakov mediaya açıqlamasında deyib.
Uşakov Paşinyanın iştirak etməməsinin səbəbləri barədə yalnız bunu deyib:
“Biz səbəbini bilirik, amma yəqin ki, özü bunu necəsə izah edəcək”.
Uşakovun sözlərinə görə, əgər Paşinyan MDB sammitinə gəlsəydi, Rusiya Prezidenti Vladimir Putinlə onun arasında görüş Qırğızıstanda təşkil olunacaqdı:
“Burada Azərbaycan Prezidenti Əliyevlə görüşə razılaşdıq, çünki o, iştirak edəcək. Əgər Paşinyan gəlsəydi, onunla da görüş təşkil olunacaqdı”.
Eyni zamanda, Yuri Uşakov vurğulayıb ki, Rusiya ilə Ermənistan arasında təmaslar davam edəcək, tərəflərin müzakirə edəcəyi çox şey var.
Qeyd edək ki, oktyabrın 13-də Bişkekdə MDB Dövlət Başçıları Şurasının iclası keçiriləcək. Tədbirdə Azərbaycan, Rusiya, Belarus, Qırğızıstan, Qazaxıstan, Tacikistan, Türkmənistan və Özbəkistan prezidentləri iştirak edəcək.
Ermənistan Baş naziri Nikol Paşinyan sammitə qatılmaqdan imtina edib.
- Uçuşlar gecikir: Ermənistanda nə baş verir?
- Ukrayna Rusiyanın Krımdakı hərbi bazasını vurdu
- Nazir Rus Evi ilə bağlı iddialara son qoydu
- Rusiya ilə münasibətlərdə ümumi gərginlik... - Bayramov
- Azərbaycan, Qazaxıstan, Rusiya və ICAO-nun birgə rəyi: təyyarə vurulub
- Prezident AMİP sədrinin oğluna vəzifə verdi
- Prezidentin təltif etdiyi alpinist qadın danışdı
- Putin AZAL-ın təyyarəsi ilə bağlı öhdəlikləri niyə icra etmir?