Xəbər verdiyimiz kimi, AMEA İqtisadiyyat İnstitutunun icraçı direktoru Müşfiq Atakişiyev vaxtilə rektoru olduğu Təfəkkür Universitetinin prorektoru Tariyel Əhmədovun 2011-ci ildə qətlini sifariş etdiyi üzə çıxıb və o, vəzifədən çıxarılaraq, həbs edilib.

BUTA.TV xəbər verir ki, M.Atakişiyev həbs olunana qədər AMEA İqtisadiyyat İnstitutunun icraçı direktoru, AMEA İqtisadiyyat İnstitutu Müdafiə Şurasının üzvü, AMEA İqtisadiyyat İnstitutunun “İqtisadi Artım və İctimai Rifah” jurnalının baş redaktor müavini işləyib.

Müşfiq Atakişiyev 1966–cı ildə İmişli rayonunun Ağaməmmədli kəndində anadan olub. 1990-cı ildə Azərbaycan Neft və Kimya İnstitutunun (indiki Azərbaycan Dövlət Neft və Sənaye Universiteti) İqtisadçı mühəndis fakültəsini fərqlənmə diplomu ilə bitirib. O, ali təhsilini başa vurduqdan sonra təyinatla həmin fakültədə stajyor kimi saxlanılıb. 1996–cı ildə “Neft qaz quyularının istehsal gücündən istifadənin səmərəliliyinin artırılmasının ehtiyat mənbələri” mövzusunda namizədlik dissertasiyası müdafiə edərək iqtisad elmləri namizədi alimlik dərəcəsi alıb. 1996-cı ildən Neft və Qaz Sənayesinin İqtisadiyyatı kafedrasında dosent vəzifəsində fəaliyyət göstərib. 1999-cu ildə “Neftçıxarmada istehsal potensialından istifadənin iqtisadi problemləri” mövzusunda doktorluq dissertasiyasını müdafiə edib.

2005-ci ildən Azərbaycan Ali Attestasiya Komissiyasının qərarı ilə professor adına layiq görülüb.

2008-2010-ci illərdə Azərbaycan Respublikası prezidenti yanında Ali Attestasiya Komissiyasının iqtisadiyyat üzrə ekspert komissiyasının sədri olub.

2022-ci ildən AMEA İqtisadiyyat İnstitutunun icraçı direktoru vəzifəsində çalışır.

Azərbaycan, rus, ingilis dillərini mükəmməl bilən alim 90-a yaxın elmi metodik əsərin, 15 monoqrafiyanın müəllifidir. Həmçinin onun elmi rəhbərliyi altında 2 nəfər doktorluq, 16 nəfər isə namizədlik dissertasiyası müdafiə edib.

2000-ci ildən Beynəlxalq İnformatizasiya Akademiyasının həqiqi üzvüdür. 2000-2014-cü illərdə Azərbaycan Dövlət Neft Akademiyasının Maşınqayırma sənayesinin iqtisadiyyatı və menecment kafedrasının müdiri vəzifəsində işləmişdir . Təfəkkür Universitetinin rektoru vəzifəsində çalışıb.

Mükafatları isə bunlardır:

- Azərbaycan Respublikası Təhsil Nazirliyi “Fəxri Fərmanı”;

- Azərbaycan Həmkarlar İttifaqı Konfederasiyası “Fəxri Fərmanı”;

- “Demokratik Azərbaycanlılar” İctimai Mərkəzi tərəfindən “Qızıl Buta” Müstəqil Milli Mükafatı;

- “Bilik” Maarifçilik,Mədəniyyət və İnformasiya Mərkəzi tərəfindən Akademik Yusif Məmmədəliyev adına medal.

• Berbok Bakıda, görün, nələrlə məşuldur – İnanılmaz
• Milli Məclisdən Paşinyana cavab: Bu, ərazi iddiasıdır!
• COP29-da mühüm razılıq əldə olundu
• 70 kq qızılla saxlanılan diplomatın kimliyi bilindi
• Taksist qonağı hava limanından 139 manata gətirdi - DİN işə qarışdı
• Bakıda COP29 keçirilir, buna görə də… - Paşinyan
• 70 kq qızılla tutulan diplomat bu səfirlikdə işləyir - Bakıya gətirildi
• Bakıda keçirilən COP29-un bitəcəyi tarix açıqlandı