“Dünəndən sosial şəbəkələrə baxıb, görürəm ki, üç dənə əxlaqsız, savadsız, tərbiyəsiz, köksüz, mədəniyyətsizi səhifələr paylaşır. Axı onlar kimdir? Biri yazır ki, onlardan birinin 3 milyon izləyicisi var. Digəri isə yazır ki, bir gəcəyə 25 milyon dollar qazanıb. Nəyə görə? Bunlar alim, professor, hərbçi, qazi, mədəniyyətə qulluq edən, fövqəladə işlər görənlərdir, ya dövlətimizin bayrağını hansısa xarici ölkədə qaldırıblar? Sizə sual verirəm, kimdir bunlar? Yaxşılardan iraq, səviyyəniz budur!”

Bu sözləri müğənni Nadir Qafarzadə sosial şəbəkə hesabında yayımladığı videoaçıqlamada deyib.

Sosial şəbəkədə gündəm olan 3 tanınmış blogerin qalmaqallı hadisəsindən söz açan sənətçi onları və həmin şəxsləri səhifələrdə reklam edənləri sərt şəkildə tənqid edib: “İndi ölkənin gör nə qədəri onların tayıdır və səviyyəsindədir. Onların adlarını heç bilmirəm də... Sosial şəbəkəni açırsan 3 ədəd tərbiyəsizi görürsən. “TikTok”da min bir dənə oyundan çıxan, tərbiyəsiz... Nə isə... “TikTok” bu millətin evini yıxıb. Sizi “TikTok” bədbəxt edib. Siz təhsillə, elmlə məşğul olmursunuz, mədəniyyətiniz sıfır dərəcədə, tərbiyə və əxlaqınız yoxdur. Əvvəllər zibilimizin üstünə örtən zaman var idi. O vaxt getdi... Və aydın oldu ki, biz kim olmuşuq. Sadəcə zibilimizin üstü açıldı və iyləndi. Misalı yaxşılardan uzaq...”

• Paşinyan Azərbaycanla sərhədə gəldi, bu divara toxundu - Foto
• Ərdoğanın müavini Azərbayacana gəlir
• Bir-iki il əvvəl Bakı ilə narrativlərimiz ziddiyyətli idi... - Qriqoryan
• Eyyubov Moskvada mühüm iclasda: Diqqət çəkən məqam...
• Rusiya Zəngəzur dəhlizinə etiraz etdi
• Hikmət Hacıyev Dohada Qətərin dövlət naziri ilə görüşdü
• 30 ildir sədrdir, məhkəməsinə 30 adam gəlmədi...
• Dubay şeyxinin keçmiş həyat yoldaşı olan tanınmış gimnastın durumu - Bu detal müdaxiləyə imkan vermir