Bakının bir sıra mərkəzi küçələrində, metro stansiyalarının ətrafında kommersiya məqsədli idman qurğularının yerləşdirilməsi və ətrafına çoxsaylı insanların toplanması cəmiyyətdə birmənalı qarşılanmır.

“Qafqazinfo” xəbər verir ki, Bakı Metropoliteninin “28 May” stansiyasının qarşısında quraşdırılmış belə qurğulardan biri müzakirələrə səbəb olub.

Bildirilib ki, insanlar müəyyən məbləğ ödəyərək turnikə çıxır və onlardan 2-3 dəqiqə turnikdə asılı qalmaq tələb olunur. Bunun öhdəsindən gələn şəxslərə isə 50-100 AZN ödəniş olunacağı söz verilir. Sosial şəbəkələrdə yazılan fikirlərə əsasən, heç kim turnikdə asılı qala bilmir. Buna səbəb kimi isə turnikin dəmir hissəsinin yağlı olması iddia edilir. Digər şəxslər isə turnikin tutacaq hissəsinin zəif sürətlə fırlandığını və bunun oradan sallanan insanı yorduğunu deyib.

Bundan başqa insanların hərəkət axınının yüksək olduğu ərazilərdə bu kimi avadanlıqların quraşdırılması, onların hansı qayda və qanunlar əsasında fəaliyyət göstərməsi də müzakirə mövzusudur. Belə ki, küçə ticarəti subyekti olan bu qurğulara hansı qurumun icazəsi əsasında fəaliyyət göstərməsi də məlum deyil.

BŞİH-in Ticarət və xidmət departamentindən sorğumuza cava olaraq bildirildi ki, sözügedən qurğuya departament tərəfindən heç bir rəsmi icazə verilməyib: “Səyyar ticarət fəaliyyəti üçün icazə yalnız müəyyən edilmiş yerlər üçün verilə bilər”.

• Azərbaycan ABŞ-la birgə hərbi təlimdə - Video
• Qeyri-formal məşğul olan şəxslər belə müəyyən ediləcək - Nazir
• Ermənistan Qarabağ danışıqlarına dair sənədləri yayımladı
• Tiflis TIR-larımızı buraxmadı: Kobaxidzedən reaksiya
• Rüstəm İbrahimbəyov Mehdiyevlə bağlı nələr demişdi?
• Gəncə "Nizami İnnovasiya Mərkəzi” niyə açılmır? - İRİA icraçını ağır vəziyyətdə qoyub
• Gürcüstan Azərbaycana problem yaradır - Saakaşvili
• Milli Şura ilə bağlı Qərbdə bu fikir var - Ekspertdən şok