Yaxın vaxtlarda növbəti əfv sərəncamının olacağı gözlənilir. Əfv Komissiyasına müraciətlər davam edir. Bəs, əfv sərəncamı ötən il həbs olunan meyxanaçı Rəşad Dağlıya şamil oluna bilər?

Kult.az xəbər verir ki, vəkil Vüqar Babayev Mətbuat.az-a açıqlamasında Rəşad Dağlının əfv olunma şansının çox az olduğunu bildirib.

“Əfv haqqında əsasnamə var. Həmin əsasnaməyə görə, ağır və xüsusilə ağır cinayət törətmiş hər hansı şəxsin əfv olunması üçün ona verilmiş cəzanın mütləq şəkildə yarısını çəkmiş olmalıdır. Ona görə də, şans azdır. Amma təbii ki, bu ölkə başçısının müstəsna səlahiyyətidir. Hər şey ola bilər. Amma Əfv haqqında əsasnaməyə əsasən, qayda belədir”, - o deyib.

Qeyd edək ki, Rəşad Dağlı 2022-ci il noyabrın 9-da qonşusu İsgəndər Mehdiyevi Lökbatan dairəsi yaxınlığında qətlə yetirib. Meyiti həmin əraziyə atdıqdan sonra könüllü olaraq polisə təslim olub. Rəşad Dağlıya Cinayət Məcəlləsinin 120.1 (qəsdən adam öldürmə) və 228.4-cü maddələri (qanunsuz soyuq silah gəzdirmə) ilə ittiham verilib.

Bakı Ağır Cinayətlər Məhkəməsinin hökmü ilə o, 9 il azadlıqdan məhrum edilib.

• Bəzi ərazilərə leysan yağdı
• Bakıda azyaşlı bacı-qardaş itkin düşdü
• “Çox yox, sistemli oxumaq lazımdır” - 400 bal toplayan Paşa
• Köməkçisi ilə mərc yazışmaları üzə çıxdı - Fotolar
• Həftəsonu rayonlara gedənlərin nəzərinə!
• Xırdalanda yaşayış binasında yanğın - Video
• Final fitini səsləndirəcək hakim barədə şok fakt üzə çıxdı - Video
• Messinin taleyini dəyişən tvit - İki Lionel tarixi necə yenidən yazdı? - Fotolar