Laçına Azərbaycanda fəaliyyət göstərən diplomatik korpus nümayəndələrinin səfəri çərçivəsində gedən Fransanın səfiri Ann Buayon burada bərpa işləri başladıqdan sonra hansı nailiyyətlərin əldə olunduğunu görmək istədiyini bildirib.
BUTA.TV xəbər verir ki, diplomat Report-a açıqlamasında onun Laçına ilk səfəri olduğunu qeyd edib.
“Bu mənim Laçına ilk gəlişimdir. Bu gün COP29-a həsr olunmuş tədbir keçirilir və hesab edirəm ki, bu, Azərbaycanın COP29 sədrliyinin prioritetləri haqqında daha çox öyrənmək üçün yaxşı fürsətdir. Bu bizə bu regionun bərpa olunan enerji, turizm və kənd təsərrüfatı istiqamətində bərpası haqqında daha çox məlumat əldə etməyə imkan verdi", - səfir deyib.
Laçında aparılan bərpa-quruculuq işlərinin oyatdığı təəssürata gəldikdə isə diplomat buranın çox gözəl olduğunu vurğulayıb:
"Buranın spesifik yer olduğunu anlayıram, çünki Laçında Ağdam və digər bölgələrdə olan dağıntılar yoxdur. Burda bərpa işləri başlayandan sonra hansı nailiyyətlərin əldə olunduğunu görmək maraqlı idi".
COP29 çərçivəsində əməkdaşlıq barədə isə Fransa səfiri qeyd edib ki, belə bir əməkdaşlıq artıq var:
"COP29-un Prezidenti bir həftə əvvəl Parisdə idi. COP29 qlobal bir hadisədir, dünyanın və uşaqlarımızın gələcəyi üçün COP29-un uğurlarını dəstəkləməliyik".
- Azərbaycana minnətdarıq - Sikorski
- Bakı bu təşkilatda ən dominant oyunçulardandır - Avraham
- İran çox şey itirdi, amma simasını... - Mixaylov
- Rusiya səfirliyinin əməkdaşları ölkəmizə təxliyə olundu
- İsrail-İran savaşı: Ərəblər bir daha əmin oldular ki...
- İran da, İsrail də “qazandığını” deyir: Bəs, uduzan kim?
- Trampın siyasətdə acizliyi üzə çıxdı - Mixaylov
- İran 44 günlük savaşdakı taktikadan istifadə etdi