Tanınmış vəkil Vasif İsrafilovun qardaşı Namik İsrafilovun qətli ilə bağlı məhkəmə prosesi başa çatıb.

“BUTA.TV”nun məlumatına görə, qətli törətməkdə təqsirləndirilən 1988-ci il təvəllüdlü Rəsul Ağazadə 16 il 6 ay müddətinə azadlıqdan məhrum edilib.

Cinayət hadisəsi ötən ilin aprelində Bakının Nərimanov rayonunda, zərərçəkmiş şəxsin yaşadığı evdə baş verib.

Məhkəmədə cinayətin tamah niyyəti ilə törədildiyi məlum olub. Rəsul Ağazadə Namik İsrafilovu qətlə yetirdikdən sonra ona məxsus iki ədəd mobil telefonu götürərək hadisə yerindən uzaqlaşıb.

Təqsirləndirilən şəxs daha sonra bu telefonlardan birini 60 manata satıb və pulu şəxsi ehtiyaclarına sərf edib.

Qeyd edək ki, məhkəmədə zərərçəkmiş şəxsin hüquqi varisi kimi qardaşı Nurlan İsrafilov çıxış edib.  O, qardaşının öldürülməsi ilə bağlı heç kimdən şikayəti və tələbi olmadığını bildirib.

• Bakıda Türkiyə və İsrail arasında üçdən çox görüş olub...
• Putinə qarşı “Pautina”: Kreml və təbliğatçılar şokdadır...
• Nail Kəmərli ilə DİN məşğul olmalıdır? - Sosioloqun sözündən belə çıxır 
• Trampın Azərbaycana göndərdiyi məktubda bu sözlər diqqət çəkdi
• "Baku Energy Forum"u başladı
• OPEK+ hasilatı artırır: Bakı üçün ciddi risk yarandı
• Dərs yükü ağır, imtahan çətin… - Ekspertlər təklif verdi
• Ceyhun Bayramov Keniyaya yola düşdü