Xəbər verdiyimiz kimi, bu gün səhər saatlarından Türkiyədə instaqrama giriş bloklanıb.

“BUTA.TV”nun “Hürriyet”ə istinadən məlumatına görə, Türkiyənin İnformasiya Texnologiyaları və Rabitə İdarəsi bloklanmanın instaqramın qoyduğu qadağalar arasında yer alan kataloq cinayətləri (çoxsaylı cinayət paylaşımları – red.) ilə əlaqəli olduğunu açıqlayıb.

Məlumata görə, kataloq cinayətləri Türkiyədə 2005-ci il iyunun 1-dən qüvvədə olan Cinayət Prosessual Qanunu tərəfindən tənzimlənən cinayətlərdir və həbs üçün əsas hesab edilir.

Bundan başqa, bunun iyulun 31-i İranda HƏMAS-ın Siyasi Bürosunun rəhbəri İsmayıl Haniyənin raket zərbəsi nəticəsində öldürülməsi fonunda edilən paylaşımlarla bağlı olduğu iddia edilir. Belə ki, Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun Haniyənin qətlindən sonra başsağlığı mesajı yayımlayıb, lakin instaqram sözügedən paylaşımı silib. Daha sonra Altun açıqlama yayaraq bildirib: “Heç bir səbəb göstərmədən HƏMAS Siyasi Bürosunun rəhbəri İsmayıl Haniyənin vəfatı ilə bağlı başsağlığı mesajı göndərməsinə mane olan sosial media platforması instaqramı şiddətlə qınayıram. Bu, senzura üçün çox aydın və aşkar bir cəhddir”.

Qeyd edək ki, kataloq cinayətlərə qəsdən adam öldürmə, intihara təşviqetmə, miqrant qaçaqmalçılığı, uşaqların cinsi istismarı, işgəncə, dərmanların istifadəsini asanlaşdırmaq, düşmənlə əməkdaşlıq kimi maddələr daxildir.

• "Baku Energy Forum"u başladı
• OPEK+ hasilatı artırır: Bakı üçün ciddi risk yarandı
• Dərs yükü ağır, imtahan çətin… - Ekspertlər təklif verdi
• Ceyhun Bayramov Keniyaya yola düşdü
• Qərbi Azərbaycan yaradıla bilər - Krılov
• Ukrayna Rusiyaya dronları hansı ölkədən keçirib? – Sensasiya
• 28 Mayı üç qardaşa layiq qeyd etdik - Ərdoğan
• İlham Əliyevdən millinin qələbəsinə reaksiya - Foto