Respublikaçılar Partiyasının prezidentliyə namizədi Donald Trumpın Virciniyadakı seçki ofisinə oğru girib.
BUTA.TV xəbər verir ki, şübhəlinin nəsə oğurlayıb-oğurlamadığını araşdırdıqlarını bildirdilər. ABŞ-ın keçmiş prezidenti və Respublikaçılar Partiyasının prezidentliyə namizədi Donald Trumpın Virciniya ştatının Ashburn şəhərində yerləşən seçki ofisinə oğru girib. Rəsmilər oğurluq hadisəsinin Trumpın seçki kampaniyası tərəfindən icarəyə götürülən və eyni zamanda Virciniya 10-cu Bölgə Respublikaçı Komitəsinin mərkəzi kimi xidmət göstərən bir ofisdə baş verdiyini qeyd edərək, şübhəlinin nəsə oğurlayıb-oğurlamadığını araşdırdıqlarını bildiriblər.
Polis, təhlükəsizlik kamerası görüntülərində şübhəlinin ofisə zorla girdiyini və içəridə dolaşdığını müəyyən edib. Şübhəlinin qara rəngli geyimlər geyindiyi, papaq taxdığı və kürək çantası daşıdığı qeyd edilib. Loudoun Şerifi Mike Chapman verdiyi açıqlamada, "Hər hansı bir siyasi kampaniyanın və ya partiyanın ofisinə zorla daxil olunması nadir rast gəlinən bir vəziyyətdir. Şübhəlinin şəxsiyyətini müəyyən etməyə, hadisənin səbəbini araşdırmağa və nəyin oğurlandığını və ya arxada nəyin qoyulduğunu müəyyən etməyə qərarlıyıq" dedi.
Hadisə ilə bağlı istintaq davam edərkən, Trumpın seçki komandası hələlik hadisə ilə bağlı açıqlama verməyib.
- Milyarderlər siyahısına Ələkbərov başçılıq edir
- Uşaqlıqda çoban olmuşam, məktəbə gedə bilmədim...
- Fransada siyasi rəqiblərə qarşı repressiya başladı
- Pezeşkianın Azərbaycana səfərinin vaxtı məlum oldu
- Çoban İsfəndiyar, əlaltı alimlər və anormal reaksiya
- Paşinyan ordunu silahlandırır, atəşkəsi pozur – Nə istəyir?
- İrəvandan azərbaycanlılara təbrik mesajı göndərən türkiyəli bloqerə cinayət işi açıldı
- Türkiyədə səs yazısı: Azərbaycanlıları kənddən çıxarmaq üçün…