Səbail rayonu, Yeni Salyan yolu-20 ünvanında, jurnalistlər üçün inşa edilmiş binaların yaxınlığındakı yolda işıqfor işləmir.

BUTA.TV.az xəbər verir ki, bu barədə jurnalistlər sosial şəbəkələrdə paylaşımlar ediblər.

Onlar sözügedən ərazidə işıqforda tez-tez texniki problemlərin yarandığını qeyd ediblər.

Məsələ ilə bağlı DİN-in Nəqliyyatı İntellektual İdarəetmə Mərkəzinin (NİİM) Mətbuat xidmətinin rəhbəri Ömər Xıdırov açıqlama yayıb.

O bildirib ki, problemin yaranması işıqforun özündə yox, ona verilən elektrik mənbəyi ilə bağlıdır:

“Belə ki, bir neçə il əvvəl binada yaşayan sakinlərin müraciəti əsasında yola işıqfor qoyulub. Həmin vaxt ərazidə mövcud infrastruktur (eleketrik xətti) olmadığından işıqfora binanın ümumi elektrik xəttindən enerji verilməsi təmin edilib. Hazırda binanın həyətində olan mövcud işıqlanma sistemində bəzi hallarda qısaqapanmaların olması ümumi elektrik mənbəyi xəttinə təsir göstərir və bu səbəbdən yolda olan işıqforun işində problem yaranır. NİİM əməkdaşları tərəfindən binanın elektrik mənbəyində olan problemin aradan qaldırılması, ümumilikdə alternativ olaraq elektrik xəttinin çəkilməsi istiqamətində işlər görülür. İşlərin qısa müddətdə tamamlanması nəzərdə tutulub”.

• Ronaldonun arzusunu gözündə qoyan “super əvəzedici” - Bu dəfə də xilaskar oldu
• İspaniya yarımfinalda - Fransaya rəqib olur - Yenilənib - Video
• Emin Kerem Bursinə Bakıda hədiyyə verdi - Video
• “Saatlarla növbə gözlədik, həkim 40 manat tələb etdi” - Açıqlama
• Biləsuvarın bu ərazilərində işıq olmayacaq
• Zeynəbin axtarışlarına helikopter də cəlb olundu - Video
• Prezident beynəlxalq qurumların rəhbər şəxslərini qəbul etdi - Fotolar
• Birinin başı “işlədi”, digərinin “səliqəsi”... - İlk 90 dəqiqə