İsrail hərbi komandanlığı Livanın şimalında bufer zona yaratmaq məqsədilə müəyyən ərazilərin ələ keçirilməsini nəzərdə tutan quru əməliyyatı hazırlayır.
BUTA.TV xəbər verir ki, bu barədə Britaniyanın “Ekonomist” jurnalı yerli mənbəyə istinadən məlumat yayıb.
"İşğal planları hazırdır. Lakin bu planları həyata keçirmək üçün hələ də burada kifayət qədər qoşunumuz yoxdur",- mənbə bildirib.
Nəşr xatırladıb ki, bundan əvvəl İsrail müdafiə qüvvələri Qəzza zolağından Livanla sərhədə iki diviziya köçürüb:
"Livanda rabitə cihazlarının partlamasından sonra Yaxın Şərqdə gərginliyin artmasına baxmayaraq, İsraillə Hizbullah arasında geniş müharibədən söhbət getmir. Hizbullah genişmiqyaslı hərbi əməliyyatlara keçərsə, İsrailin mərkəzindəki hədəfləri məhv etmək üçün daha uzaqmənzilli raketlərdən istifadə etməyə və yəhudi dövlətinin ərazisinə reydlər keçirməyə başlayacaq. Hadisələr belə inkişaf etsə, İsrail də öz növbəsində Hizbullahın raket anbarlarının və buraxılış məntəqələrinin bombalanmasını gücləndirəcək, həmçinin Livanın özündə hərəkatdan narazılıq yaratmaq ümidi ilə mülki infrastruktura hücumlara əl atacaq".
Nəşrin iddiasına görə, İsrailin hərbi-siyasi rəhbərliyində Livan ətrafındakı vəziyyətlə bağlı yekdil fikir yoxdur.
- Ştaynmayerin gəldiyi gün sərhəddə təxribat... - Deputat
- Çindən Əliyevə mühüm dəstək: Nikol uduzdu - Korotçenko
- Lap az qaldı: İrana hücum başlayır - Türk general
- Tabor komandiri kimi Melkonyana tabe idim - İşxanyan
- Fidan Barrotla görüşdü: Cənubi Qafqazda sülh...
- Trampın Bakıya tarif tətbiqi: ABŞ-a nə qədər mal satırıq?
- Yeni Klinika bir aydır səhvini düzəltmir
- Makron sui-qəsdçiləri Bakıya niyə göndərib?