Bakı Expo Mərkəzində keçirilən növbəti ADEX-2024 hərbi sənaye sərgisi əhəmiyyətinə görə önəmli beynəlxalq tədbirlərdən biridir. Builki sərgidə Müdafiə Sənayesi Nazirliyinin özünün və ispanyalı həmkarlarla birgə istehsalı olan bir neçə silah-sursat və ağır texnikanı da gördük.
Bu sözləri BUTA.TV-a hərbi ekspert Üzeyir Cəfərov deyib.
O, sərgidə nümayiş etdirilən Azərbaycan istehsalı olan silahların diqqət çəkdiyini bildirib:
“Bu silahlar sərgiyə çıxarılmazdan öncə mütləq mənada hərbi hissələrdə və birləşmələrdə sınaqdan keçirilir, özünü doğruldursa, alıcıya hazır məhsul kimi təqdim olunur. Azərbaycanın nümayiş etdirdiyi snayper diqqət çəkdi. Əvvəlki snayperlərin çəkisi ağır, materialları kobud idi. Lakin yeni snayperlərimiz həm qundağı, həm taktiki-texniki göstəriciləri baxımından daha müasir olan silahdır. Son illərdə baş verən silahlı toqquşmalar onu zəruri edir ki, dövlətlər arsenalında olan silahları yeniləməlidir. Ümid edirəm ki, bu silahlar Ordumuzun daxili tələbatını ödəyəcək, həm də ixrac olunacaq. Bu son deyil, həm yerli, həm də ayrı-ayrı ölkələrlə müştərək qaydada bəzi silah-sursat üzərində işlər aparılır”.
Ekspertin sözlərinə görə, alıcılar müasir silahlarımızla artıq maraqlanmağa başlayıb:
“Snayper tüfənglərimizlə daha çox maraqlanırlar. Yaxın aylarda biz bunu biləcəyik ki, hansı müqavilələr imzalanıb.
Diqqətimi bir çox yenilik cəlb etdi. Bunlardan biri “Suqovuşan” suüstü dronları idi və uğurla sınaqdan keçib. Müasir tələblərə cavab verir. Həm hərbi dəniz, həm də digər qoşun qüvvələri üçün özünü doğrulda bilər”.
- Rusiya Çinlə birlikdə PUA istehsalına başlayır
- 3 ərəb ölkəsi İsrailə qarşı çıxdı - Bəyanat
- Pezeşkian: Qərblə nüvə danışıqlarına hazırıq!
- Roma Papası Livana dəstək verdi
- Türkiyədə zəlzələ oldu
- Göz rəngi dəyişikliyi vəsiqə üçün problem yaradacaq?
- Peskov: Bu, Zelenskinin ölümcül səhvidir
- Zakir Həsənov pakistanlı generalla görüşdü