Son illər dünya üzrə ən çox satılan telefonlar ABŞ-ın “Apple” şirkətinə məxsus “Iphone” brendinin modelləridir. Öz seqmentində istər proqram təminatı, istərsə də texniki dizayn xüsusiyyətlərinə görə digərlərindən kəskin fərqlənən “Iphone”, qiymət baxımından da digər telefonlardan bahadır.
Hazırda ölkəmizdə “Apple” şirkətinin istehsalı olan elektron məhsullar müxtəlif mağazalarda satılmaqdadır. Qiyməti yüksək olsa da, ölkəmizdə bu telefon modellərinin alıcısı yetərincə çoxdur. Satış mağazalarının bir çoxunda təqdim olunan qiymətlər və reklamlarla bağlı xeyli mübahisəli məqam var.
Məsələn, mağazaların vitrinlərində yerləşdirilən “Iphone”ların qeyd olunan qiymətləri sadəcə məhsulun nağd alışına şamil edilir. Müştəri telefonu kreditlə əldə etmək istədikdə isə 12 aya qədər 5 faizlik komissiya xərcləri tələb olunur. Kredit müddəti 12-18 ayı əhatə edəndə komissiya məbləği 5 faizdən 8 faizə qaldırılır. Bəzi satış mağazalarında isə 9-10 faiz həcmində dəyərləndirilir. Həmçinin omissiyadan əlavə, məhsulun satışı üçün kredit faizi də hesablanır. Nəticədə 2200 manata təklif olunan “Iphone” markalı telefon müştəriyə 500-600 manat artıq məbləğə, daha dəqiq 2700-2800 manata başa gəlir. Bəzi şirkətlər yeni alınan telefonlarla bağlı quraşdırma xərci və zəmanət talonu üçün ayrıca məbləğ tələb edir. Bu məbləğ 3 illik zəmanət üçün 400 manat, quraşdırma xərci üçün 70 manatdır. Bu isə reklam vasitəsilə müştərilərə 2200 AZN-ə təklif olunan telefonların 3100-3200 manata başa gəlməsi ilə nəticələnir.
Mövzu ilə bağlı BUTA.TV-a danışan hüquqşünas Elvin Kazımzadə bu cür reklamların qanunvericiliyin tələblərinə zidd olduğunu bildirib. O, rəsmi qaydada məhkəməyə müraciət ediləcəyi təqdirdə saxta reklamlarla müştəriləri aldatan şirkətlərin cəzalandırılmasının mümkünlüyünü vurğulayıb
- Nəsrullahın meyitini bu əşyasına görə tanıdılar - Foto
- Biləsuvarda odlu silahlar təhvil götürüldü
- İmişlidə qaz kəməri zədələndi: 9 məntəqədə təchizat dayandı
- Həsən Nəsrullahı öldürmək əmrini ABŞ verib - Pezeşkian
- Biləcəridəki yanğınla bağlı təfərrüatlı rəsmi açıqlama
- İraqda Nəsrullaha görə 3 günlük mətam elan edildi
- Ermənistandakı missiyanın işi ilə bağlı bəyanata reaksiya
- Ölkədə maliyyə piramidası şəbəkəsi ifşa edildi - Video