İran üzərindəki hava məkanının müvəqqəti bağlanması səbəbi ilə bir sıra beynəlxalq aviaşirkət Heydər Əliyev Beynəlxalq Aeroportuna təcili eniş sorğusu ilə müraciət edib.
Bakı aeroportundan BUTA.TV-a bildirilib ki, Varşava–Mumbay reysini həyata keçirən “LOT Polish Airlines” aviaşirkətinin “Boeing 787” təyyarəsi yerli vaxtla saat 21:47-də Bakı aeroportunda uğurla eniş edib.
Eyni səbəblə “Qatar Airways” aviaşirkətinə məxsus Moskva–Doha reysini yerinə yetirən “Boeing 787” təyyarəsinin kapitanı Bakı aeroportuna məcburi eniş üçün sorğu ünvanlayıb. Hava gəmisi saat 21:53-də uğurla eniş edib.
Qeyd edək ki, Heydər Əliyev Beynəlxalq Aeroportu istənilən hava gəmisini, o cümlədən “Airbus A-380” kimi iri təyyarələri qəbul etmək imkanına malikdir. Hava limanı fasiləsiz rejimdə çalışaraq aviaşirkətlərin sorğularına operativ cavab verir və reyslərin təhlükəsiz icrası üçün bütün zəruri xidmətləri təqdim edir. Bütün fövqəladə vəziyyətlərdə aeroportun xidmətləri sərnişinlərin təhlükəsizliyini və rahatlığını təmin etmək üçün koordinasiyalı fəaliyyət göstərir.
- Bakıda məhkəmədə Sərkisyanın etiraf videosu nümayiş olundu
- Erməni generaldan Şuşa əməliyyatı ilə bağlı etiraf
- DSX hərbçisi yaşadığı mənzildə intihar etdi
- Netanyahu bu tarixdə Bakıya gəlir
- İran Pezeşkianın Bakıya səfərindən öncə bu məlumatı niyə yaydı?
- İlham Əliyevin Pezeşkianla məhdud tərkibdə görüşü başladı
- Pezeşkiandan Zəngəzur açıqlaması: Başqasının torpağında… - Video -
- Azərbaycanla əməkdaşlıq üçün yaxşı imkanlar var - Pezeşkian