Azərbaycanda çıxarışı olmayan fərdi evlərin sayı yüzminlərlədir. Problemin səbəblərindən biri də belə evlərin yaşayış məntəqəsi yox, digər təyinatlı torpaqlarda tikilməsidir.
Nəticədə bu amil həmin ərazilərdə tikilən evlərin sənədləşdirilməsində problemə çevrilir. Xatırladaq ki, Prezident İlham Əliyev sentyabrın 28-də imzaladığı fərmanla "Torpaqların kateqoriyalara aid edilməsi və onların bir kateqoriyadan digərinə keçirilməsi Qaydaları"nı təsdiq edib. Belə olan halda, adıçəkilən qayda bu məsələnin həllinə imkan verəcək?
Daşınmaz əmlak eksperti Elnur Fərzəliyev bildirib ki, yeni dəyişikliklə yaxın zamanda bu tipli əmlakların çıxarışlarının verilməsi mümkün olacaq.
"Sözügedən evlərlə bağlı müxtəlif sərəncam və fərmanlar olsa da, uzun illərdir prosesin həyata keçirilməməsinin əsas səbəbi torpaq sahələrinin təyinatının dəyişdirilməsi haqqında qərarın olmaması idi", - deyə ekspert əlavə edib.
Ətraflı Baku TV-nin süjetində:
- C-130 qəzası: Azərbaycan MiQ-i də Xəzərə belə düşmüşdü
- C‑130 mühərrik çalışmadan da yerə enə bilər?
- Türkiyəyə məxsus təyyarənin daha 2 qalığı tapıldı
- Azərbaycan konstitusiyasının əsas hədəflərindən biri... - Deputat
- Əliyevadan Konstitusiya Günü ilə bağlı paylaşım
- Qəzanın baş verdiyi ərazidə axtarış işləri davam etdirilir
- ABŞ çox sayda bombardmançı təyyarə sifariş verdi
- Qəzaya uğrayan təyyarənin qara qutusu tapıldı