Qasım Süleymanidən başlayaraq, HƏMAS rəhbəri, Hizbullah liderinin öldürülməsi də daxil olmaqla İranın daxilinə bu vaxta kimi edilən hücumları nəzərə alsaq, Tehran rejimi İsrailə qarşı çox məhdud cavablar vermişdi. Bu şəkildə məhdud qarşılıq verilməsi isə daxili ictimaiyyət tərəfindən çox tənqid edilib. Yəni daxili ictimaiyyət, müxtəlif qruplar İsrailə qarşılıq verilməsini, Təl-Əvivin vurulmasını, savaş elanının verilməsini tələb edirdi.
Bu sözləri BUTA.TV-a Türkiyənin ölkəmizdəki keçmiş hərbi attaşesi, general Yücel Karauz İranın İsrailə raket zərbəsi endirməsini şərh edərkən deyib.
O, İranın bu addımı həm daxildəki nüfuzunu bərpa etmək, həm siyasi imajına dəyən zərəri aradan qaldırmaq üçün atdığını bildirib:
“Axrıncı dəfə İsrailin Haniyənin öldürüldüyü zaman Qəzzada atəşkəs edilməsinin qarşılığında İrandan buna cavab verilməməsi sözü aldıqları, ancaq Nəsrullahın öldürülməsi ilə bu anlaşmanı pozduğu bildirilir. Həmçinin masada Qəzzada da atəşkəsin baş tutmadığı həqiqəti var. İran da yekunda mövcud hərbi imkanını təcrübədən keçirmək istədi. Nəticədə ötən gecədən başlayaraq İslam Respublikasının daxilindən – bu, olduqca önəmli detaldır – sayı dəqiqləşdirilməmiş, təqribən 200-300 ballistik raket göndərildi. Həmin raketlərdən bəziləri İsrailin Dəmir Qübbə sistemindən yayına bildi. Dolayısı ilə İran bunu etməklə həm siyasi, hərbi qarşılıq verdi, həm də daxili ictimaiyyəti susdurdu və rahatlatdı. Ona görə də bu hücum siyasi və hərbi nöqteyi nəzərdən nəticələri hər nə olursa, olsun önəmlidir. Təbii ki, hücumdan əvvəl ABŞ-a, Rusiyaya xəbər verilməsi, bundan iki gün əvvəl isə hücum ediləcək hədəfləri sadalaması göz önünə gətirildiyində, bu addımın bütün tərəflərin - İsrailə, İrana, ABŞ-a, sərf edən, işinə gələn davranış şəklidir. Düzdür, İsrailin buna verəcəyi qarşılıq da maraqla gözlənilir. Amma ABŞ-da keçiriləcək prezident seçkilərinə qədər həm İsrail, həm İran tərəfi cəbhəni genişləndirəcək ciddi addım atacağı gözlənilmir”.
- Ermənilər azərbaycanlıların qəbiristanlığını dağıtdı - Video
- Ermənistana silah daşınır – MN narahatdır, çağırış etdi
- İsrail səfirliyi yanında atışma: ölü və yaralılar var
- Bakıda 300 milyard razılaşdırıldı: Amma Leyen və Berbok…
- Paşinyanın Bakıya bu “güzəşti” hiylədir – Moskvadan baxış
- COP29-da bu saziş olmalıydı, əvəzində Bakıya "hücum" edildi...
- Bu gün Bakıda mühüm addım atıldı - Nazir
- COP29-da tarixi qərar qəbul olundu