Fövqəladə Hallar Nazirliyinin “112” qaynar telefon xəttinə Bakı şəhəri, Xətai rayonunda fərdi yaşayış evinin qazanxanasında yanğın baş verməsi barədə məlumat daxil olub.
Bu barədə BUTA.TV-a FHN-dən məlumat verilib.
Bildirilib ki, məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Hadisə yerində əməliyyat şəraiti qiymətləndirilərkən vətəndaşa məxsus ikimərtəbəli fərdi yaşayış evinə bitişik qazanxanada yanğınla nəticələnən partlayışın baş verdiyi müəyyən edilib.
Yanğınsöndürənlərin çevik müdaxiləsi sayəsində yanğın genişlənməsinə, o cümlədən bitişik evə keçməsinə imkan verilmədən qısa müddətdə söndürülüb.
Yanğın nəticəsində qazanxanada olan kombi aparatı, generator və su çəninin qapaq hissəsi yanıb. Partlayış dalğasının təsirindən qazanxananın dəmir konstruksiyalardan ibarət dam örtüyü deformasiyaya uğrayıb, qarajın jalüz qapısı və həyətin giriş darvazası yerindən çıxıb, evin birinci mərtəbəsində pəncərə şüşələri qırılıb.
Fərdi yaşayış evi və yaxınlıqdakı digər tikililər yanğından mühafizə olunub.
Hadisə zamanı xəsarət alan olmayıb.
- ABŞ səfirliyi Damlanın vizasını niyə ləğv edib? - VİDEO
- “İnstagram”da yeni qadağa – Bunu etmək olmayacaq
- “Camaat suyu şırhaşır açır” deyən deputatın 10 minlik çantası - VİDEO
- İctimai nəqliyyat onlar üçün pulsuz olacaq
- COP29-ın keçiriləcəyi məkanda işlərin 90%-i tamamlandı
- COP29 zolaqlarından hansı nəqliyyat vasitələri istifadə edə bilər?
- COP29-a görə metronun hərəkət intervalı dəyişdirilir
- COP29: Əsas küçə və prospektlərdə qadağalar olacaq?