Bakıda sürücü diqqətsizliyi növbəti dəfə dəmiryol xəttində qəzaya səbəb olub.
BUTA.TV xəbər verir ki, bu barədə ADY-dən bildirilib.
Qeyd olunub ki, bu gün saat 02:30-da Azərbaycan Dəmir Yolları (ADY) QSC-yə məxsus elektrovoz Binə-Qala sahəsində hərəkətdə olarkən dövlət qeydiyyat nişanı 77 HU 132 olan “Mersedes Vito” markalı mikroavtobus xəbərdarlıq nişanlarına məhəl qoymadan yüksək sürətlə dəmiryol xəttini keçməyə cəhd edib və qatara çırpılıb.
İlkin məlumata əsasən, toqquşma nəticəsində avtomobilin sürücüsü və bir nəfər sərnişin müxtəlif dərəcəli xəsarətlər alıblar, yaralılar xəstəxanaya yerləşdiriliblər.
ADY nəqliyyat vasitələri sürücülərini “Yol hərəkəti haqqında” Azərbaycan Respublikası Qanununun 44-cü maddəsinin tələblərinə ciddi riayət etməyə çağırır:
"Dəmiryol keçidlərindən keçən zaman diqqətli olun! Qaydaları pozan sürücülər sadəcə 100 AZN məbləğində cərimələnmir, özünün və sərnişinlərin həyatını da riskə atırlar".
- 9 ildən sonra AB rəsmisinin Bakıya səfəri… - Bayramov
- İranda şok: Azərbaycan bayrağının satışı qadağan edildi
- Əliyev Szinpinlə niyə rusca danışdı?
- Azərbaycana qarşı dəhşətli plan - Zülfüqarov çağırış etdi!
- Ağadadaş Ağayevin balta atdığı mühafizəçi həbs edildi
- Rəşada görə veriliş bağlansa, vecimə olmaz - Tolik
- Zəngəzuru açmayın, bu virusu canımıza salmayın - Rədd edin!
- Rəşad Dağlıya görə bu telekanala xəbərdarlıq edildi