İspaniyanın "Barselona" klubunun Avropa, Orta Şərq və Afrika (EMEA) üzrə akademiyalarının rəhbəri Mark Sabate Ferre, həmçinin klubun Avropa və Afrika üzrə akademiyalarının texniki koordinatoru Bernat Vilya Ay Qorris Azərbaycana səfərə gəliblər.
BUTA.TV xəbər verir ki, La Liqa nəhənginin nümayəndələri bu gün öncə "ASK Arena"da olublar.
Arenanın əsas stadionunun durumu ilə tanış olan qonaqlar daha sonra idmançıların yerləşdiyi bazaya, həmçinin stadionun ərazisinə və ətrafına baxış keçiriblər.
Dünya şöhrətli klubun nümayəndələri daha sonra "Liv Bona Dea Arena"ya baş çəkiblər. Qonaqlar futbolçuların yerləşdiyi bazanı ziyarət edib, fitness zalı, paltardəyişmə otaqları və yaradılan şəraitlə tanış olublar.
Hər iki arenaya səfər zamanı qonaqları AFFA nümayəndələri müşayiət ediblər.
Qeyd edək ki, "Barselona" rəsmilərinin səfərinin məqsədi Azərbaycanda dünya şöhrətli klubun akademiyasının açılacağı ilə bağlıdır.
- İlham Əliyev İran şirkətlərini Azərbaycana dəvət etdi
- Milyonçunun pulunu mənimsəyən Səfər Əbiyevin kürəkəni olub?
- Bakı merinin bu cavabı Pezeşkianı təəccübləndirdi - Video
- Pezeşkianın Azərbaycan səfəri başa çatdı
- Regionda Azərbaycanla dördyol ola bilərik - Pezeşkian
- Əliyevin Pezeşkianla görüşündən yeni görüntülər yayıldı - Video
- Pezeşkian Bibiheybət məscidini ziyarət etdi
- Şuşanın işğalı barədə videomateriallar göstərildi