Fransa Prezidenti Emmanuel Makronun Azərbaycana sui-qəsd qrupu göndərməsi ilə bağlı məlumatlar bir neçə həftə əvvəl də mediada yayılmışdı. Lakin bu iddialar kifayət qədər məhdud xarakter daşıyırdı. Son olaraq bu məlumat Rusiyanın “Ədalətsizliyə qarşı mübarizə fondu” (FBİ) tərəfindən yenidən gündəmə gətirilib.
Bu sözləri BUTA.TV-a açıqlamasında politoloq Sultan Zahidov bildirib.
Onun sözlərinə görə, sözügedən fond əvvəllər “Vaqner” qrupunun rəhbəri Yevgeni Priqojinə məxsus olub:
“Hazırda isə bu fondun Rusiyanın hərbi kəşfiyyatı ilə əlaqəli bir qurum olduğu bildirilir. Rusiya ilə Fransa arasındakı geosiyasi rəqabəti nəzərə alsaq, yayılan bu məlumatların nə dərəcədə doğru olduğunu müəyyənləşdirmək çətindir. Belə informasiyaları daha dəqiq bilən kəşfiyyat və təhlükəsizlik orqanlarıdır”.
Politoloq vurğulayıb ki, iddialarda adı hallanan Aleksandr Banella Makronun keçmiş şəxsi mühafizəçisi olub və adı bir sıra qalmaqallarda çəkilib:
“Onun Fransa prezidenti ilə korrupsiya sxemlərində və çirkli pulların yuyulması prosesində iştirak etdiyi bildirilir. Bundan əlavə, Banellanın müxalif qüvvələrə qarşı təxribat və digər gizli əməliyyatlar həyata keçirdiyi iddia olunur.
Makronun Banellaya etibar edərək gizli bir qrup yaratması və onu müxtəlif ölkələrə göndərməsi ehtimalı mümkündür. Xüsusilə də son dövrlərdə Fransanın Cənubi Qafqazda fəallaşdığını nəzərə alsaq, bu iddiaları tamamilə istisna etmək olmaz”.
Sultan Zahidovun fikrincə, bu sui-qəsd qrupunun Bakıya göndərilməsində əsas məqsəd casusluq ola bilər.
Bununla yanaşı, Zahidov qeyd edib ki, Azərbaycan bu kimi təhlükələrə qarşı kifayət qədər güclü müdafiə sisteminə malikdir:
“Ötən müddət ərzində xüsusilə də Fransanın casus şəbəkəsinin ifşa edilməsi göstərir ki, Azərbaycanın təhlükəsizlik xidməti üzərinə düşən vəzifəni lazımi səviyyədə yerinə yetirir”.
Qeyd edək ki, Fransa Prezidenti Emmanuel Makronun Azərbaycana gizli əməliyyat qrupu göndərdiyi iddia olunur. Rusiya mənbələrinin məlumatına görə, “Ağ Zambaq” adlı sui-qəsd qrupu Bakıya gəlib və onlar birbaşa Makronun göstərişlərini yerinə yetirir.
- Bakı ilə birgə irimiqyaslı layihəyə başlamışıq - Tokayev
- General İbrahimov yüksək vəzifəyə təyin olundu
- Azərbaycan Beynəlxalq Universitetinin binası söküləcək
- Bakı merinin yeni müavini təyin olundu
- Oleq Bakinskinin yeni məhkəməsi: 12 vəsatət təqdim edildi
- Ali Məhkəmə Plenumunun iclası keçirildi
- Qondarma rejimin “müdafiə naziri”ni o təyin edirdi - Manukyan
- İqtisadi Şuranın iclası: Mövsümovun təqdimatı dinlənildi