Xəbər verdiyimiz kimi, Mir Mövsüm Ağa ziyarətgahında ziyarətçilərin məzarın üzərinə pul atması birmənalı qarşılanmayıb. Bəziləri bu addımı “arzuların qəbul olunması üçün edilən niyyət”, digərləri isə “rəmzi sədəqə” kimi izah edir. Halbuki qəbrin kənarında “Qəbir üstünə pul atmayın” xəbərdarlığı yer alıb.
İlahiyyatçı Elşad Miri açıqlamasında bildirib ki, islam dinində bu cür adətlərin əsasları yoxdur.
“İslamda dəfn prosesi çox sadədir – mərhum torpağa tapşırılır, balaca bir başdaşı qoyulur, vəssalam. Bu gün bizdə edilənlərin əksəriyyəti islama aidiyyəti olmayan, sadəcə adı islamlaşdırılan yanlış ənənə və adətlərdir. Qəbir üstünə pul atmaq isə sanki oradakı şəxsin “yaşayırmış” kimi qəbul edilməsinə, yaxud bu vasitə ilə Allaha rüşvət vermək düşüncəsinə gətirib çıxarır”, - o deyib.
Elşad Miri əlavə edib ki, bu cür təhrif olunmuş adətlərin geniş yayılmasının səbəblərindən biri də məscidlərin öz funksiyasını tam yerinə yetirməməsidir:
“İnsanların bu gün məscidlərdən uzaq qalması, məscidlərin sadəcə müəyyən saatlarda namaz qılmaq üçün ibadət yeri kimi istifadə olunması da bu cür təhriflərin yayılmasına səbəb olur. Unutmamalıyıq ki, islamın yeganə mənbəyi Qurandır və Qurani-Kərimdə belə adət-ənənələrə əsaslanacaq heç bir göstəriş yoxdur”.
- Zakir Həsənov Türkiyədə hərbi məktəblərin buraxılış mərasimində
- Şuşanın bir hissəsini kəşf etdim - Britaniya səfiri
- Azərbaycanla bağlı mənə göstəriş verilib ki... - İran səfiri
- Rus əsgərlər bir-birini “güllələyib”, medal aldılar - Rəzalət
- Azərbaycan səhiyyəsini niyə dirçəltmək olmur? - Sensasion yazı
- ATƏT-in Minsk qrupu dekabra qədər ləğv ediləcək
- Əliyevlə Putinin müzakirə edəcəyi çox şey var - Belyayev
- İsraildən Bakını qəzəbləndirəcək addım... - Kritik açıqlama