ABŞ-la Azərbaycan Strateji İşçi Qrupu yaradacaq.

BUTA.TV APA-ya istinadən xəbər verir ki, yaradılacaq Strateji İşçi Qrupu regional bağlantılar infrastrukturunun və enerji sahəsində sərmayələrinin genişləndirilməsi, eləcə də regional iqtisadi-ticari əməkdaşlığın irəlilədilməsi, həmçinin süni intellektin inkişafı kimi vacib məsələlərlə məşğul olacaq.

Qeyd edək ki, Azərbaycan Prezidentinin ABŞ-a səfəri zamanı “Azərbaycan Respublikası və Amerika Birləşmiş Ştatları arasında strateji tərəfdaşlığa dair xartiyanın inkişaf etdirilməsi məqsədilə Strateji İşçi Qrupunun yaradılması haqqında Azərbaycan Respublikası Hökuməti və Amerika Birləşmiş Ştatları Hökuməti arasında Anlaşma Memorandumu” imzalanacaq.

Azərbaycan-ABŞ strateji tərəfdaşlığı aşağıdakı üç istiqaməti əhatə edəcək:

- Enerji, ticarət və tranzitin də daxil olduğu regional bağlantılar;

- Süni intellekt və rəqəmsal infrastrukturun da daxil olduğu iqtisadi sərmayə;

- Müdafiə sahəsində satış, terrorizmə qarşı mübarizə sahəsində əməkdaşlığın da daxil olduğu təhlükəsizlik sahəsində əməkdaşlıq.

• Pulsuz dərmanların verilməsiylə bağlı təklif qəbul edildi
• Adnan Əhmədzadəyə aid “Bolmart”da əməliyyat
• İş adamı Yusif Xəlilov azadlığa buraxıldı
• Mehdiyev dövləti bu 50 nəfərlə "idarə edəcəkmiş" - Şok siyahı
• Bakı və İrəvan arasında sülh sazişinin yeri və tarixi...
• Azərbaycandan mal idxalında maraqlıyıq - Papoyan
• Bu iclas ya Bakıda, ya da İrəvanda olacaq - Mirzoyan
• İrəvan və Tehran sadələşdirilmiş gömrük dəhlizi yaradır