Ölkəmizin ev sahibliyi etdiyi III MDB Oyunlarının keçirildiyi məkanlarda ictimai təhlükəsizlik, o cümlədən yol hərəkəti təhlükəsizliyi daim diqqət mərkəzindədir. Bu məqsədlə tədbirlərin keçirilməsinə cəlb olunan polis əməkdaşları gücləndirilmiş iş rejimində xidmət aparırlar.
Bu barədə BUTA.TV-a Daxili İşlər Nazirliyinin (DİN) mətbuat xidmətindən məlumat verilib.
Bildirilib ki, DİN tərəfindən yarış iştirakçılarının, eləcə də beynəlxalq idman tədbirini izləməyə gələn çoxsaylı yerli və əcnəbi tamaşaçıların yollarda üzləşə biləcəkləri çətinliklərin həlli üçün də zəruri qabaqlayıcı tədbirlər görülür. Bu xüsusda yarış zonalarına giriş-çıxışların tənzimlənməsi, nəqliyyat axınının maneəsiz hərəkətinin təmin olunması və mümkün sıxlıqların qarşısının alınması məsələləri daim nəzarətdə saxlanılır.
“Respublikamızın beynəlxalq imicinə təsir göstərən və hazırda dünyanın hər yerindən izlənilən bu mötəbər idman yarışının təhlükəsiz başa çatması üçün hər bir yol hərəkəti iştirakçısından daha məsuliyyətli olmağı, yol hərəkəti qaydalarına qeyd-şərtsiz əməl etməklə onun yaddaqalan olmasına töhfə verməyi xahiş edirik”, - deyə məlumatda vurğulanıb.
- Rusiya üçün “Qiyamət” başlayır: zərbələrin nəticəsi...
- İmişlidə valideynlər məktəbin vəziyyətindən narazıdır - Video
- Bakı Forumu "Avronyus"un diqqət mərkəzində - Video
- DİN-dən MDB Oyunları ilə bağlı açıqlama
- Saxta orden və medal təsis edən QHT sədrləri saxlanıldı
- 6 milyonluq mənimsəmədə ittiham olunan zabit barədə qərar
- Adnan Əhmədzadənin mülk siyahısı: Milyonluq evlər...
- Bakı-Tiflis-Qars dəmiryolu ilə yükdaşıma... - Memorandum