Rusiyanın keçmiş baş naziri Yevgeni Primakov 1999-cu ildə NATO-nun Yuqoslaviyanı bombalamağa başlaması xəbərini təyyarədə alır. O, ABŞ-a səfərə gedirdi. Primakov Yuqoslaviyanın bombalanmasına etiraz olaraq təyyarəsini okeanın üstündən geri çevirərək Moskvaya qayıtmışdı.
BUTA.TV xəbər verir ki, bu sözləri politoloq Elxan Şahinoğlu bildirib.
O vurğulayıb ki, oxşar hadisə bu gün baş verə bilərdi:
“Türkiyə Cümhurbaşqanı Rəcəb Tayyib Ərdoğan Misirin Şarm əş-Şeyx şəhərində keçirilməsi planlaşdırılan Yaxın Şərq Sülh Sammitində İsrailin Baş naziri Benyamin Netanyahunun iştirak edəcəyi xəbərini aldıqda tədbirin təşkilatçılarına təyyarəsini geri döndərəcəyi xəbərdarlığını edib. Bundan sonra Benyamin Netanyahunun tədbirdə iştirak etməyəcəyi bildirilib. Ərdoğan Netanyahunu cinayətkar və qatil adlandırıb, onun beynəlxalq məhkəməyə verilməsinin vacibliyini bildirib, belə olan halda onunla bir tədbirdə iştirak Türkiyə cümhurbaşqanı üçün qəbuledilməzdir. Ərdoğan öz demarşı ilə Avropa dövlətlərinin liderlərini də mürəkkəb vəziyyətdən çıxarıb. Çünki Avropa liderləri də Netanyahunu tədbirdə görmək istəməzdilər.
Sadəcə sual olunur: Vaşinqton tədbirdə əvvəlcə Netanyahunun iştirak etməyəcəyini açıqlamışdı, məhz bundan sonra iştirakçı ölkələrin sayı artmışdı, qəfil nə dəyişdi ki, İsrailin baş nazirinin Misirə gedəcəyi xəbəri yayıldı? Görünür, ABŞ Prezidenti Donald Tramp dostu Benyamin Netanyahunu son anda Misirə dəvət etmək istəməklə onun beynəlxalq aləmdə statusunu leqallaşdırmaq istəyib. Alınmadı. Əsas odur ki, Vaşinqtonun sülh planının ilk mərhələsi uğurla başa çatmaq üzrədir, atəşkəs rejiminə start verilib, humanitar yardımlar Qəzzaya çatdırılıb və əsirlər dəyişdirilib, ancaq bu azdır, növbədə münaqişə ocağının birdəfəlik yatırılması və bölgədə sülh quruculuğuna başlanılmasıdır”.
- İlham Əliyev Trampla görüşdü - Video
- Ərdoğan təyyarəsini Misir üzərindən geri qaytarırdı...
- Yaxın Şərqdə sülh! Tarix yazılır! - Hacıyev
- Trampın Əliyev və Paşinyanla diqqətçəkən dialoqu - Video
- Fələstinli satqınları dəhşətli ölüm gözləyir
- İlham Əliyevlə Makronun səmimi görüşü - Video
- MN-dən Özbəkistandakı təlimlə bağlı yeni məlumat
- İlham Əliyev Britaniya baş naziri ilə görüşdü - Video