Azərbaycanda 2025-ci ildə 20 və daha yuxarı evlilik müddəti olan şəxslər arasında 2681 boşanma hadisəsi qeydə alınıb.
BUTA.TV xəbər verir ki, bu barədə Report-a Dövlət Statistika Komitəsindən bildirilib.
Statistik məlumatlar göstərir ki, son üç il ərzində boşanmaların ən böyük payı ardıcıl olaraq 10-19 il davam edən nikahların payına düşüb.
2025-ci ildə ümumi boşanmaların sayı 20 675 təşkil edib. Onlardan 7 354-ü 10-19 il davam edən nikahlara, 5 795-i 5 ilə qədər davam edən nikahlara, 4 845-i 5-9 illik nikahlara aid olub.
2024-cü ildə isə boşanmaların ümumi sayı 21 384 olub. Bu dövrdə 10-19 illik nikahlar üzrə 7 768, 5 ilə qədər davam edən nikahlar üzrə 5 715, 5-9 illik nikahlar üzrə 5 347, 20 il və daha artıq davam edən nikahlar üzrə isə 2 554 boşanma qeydə alınıb.
Mövcud statistikaya görə, 2023-cü ildə ölkədə 21 688 boşanma qeydə alınıb. Onlardan 7 735-i 10-19 il davam etmiş nikahlara aid olub. Həmin il 5 ilə qədər davam edən nikahlar üzrə 5 814, 5-9 illik nikahlar üzrə 5 805, 20 il və daha uzun müddət davam edən nikahlar üzrə isə 2 334 boşanma rəsmiləşdirilib.
- ABB-dən kiçik sahibkarlara böyük imkanlar yaradan biznes kartı
- Diplomatlar pensiyaya çıxarkən birdəfəlik ödəniş alacaq
- Keçmiş bələdiyyə üzvünün meyiti tapıldı
- Prezident onlara müraciət ünvanladı
- Onlar həqiqi hərbi xidmətə çağırıldıqda müavinət alacaqlar
- Elektron siqaret qadağasının “40-ı” çıxdı: Azərbaycanda nə dəyişib?
- Bu diplomatların varislərinə müavinət ödəniləcək
- Cərimə balları artırıla bilər