İranın sabiq Ali Rəhbəri Ayətullah Seyid Əli Xameneinin rəsmi vida və dəfn mərasiminin vaxtı dəqiqləşib.

“BUTA.TV” xəbər verir ki, bu barədə “Tasnim” agentliyi məlumat yayıb.

Rəsmi bəyanatda bildirilib ki, sabiq dini liderin dəfni ilə bağlı həm yerli, həm də xarici mediada indiyə qədər yayılmış bir çox iddialar və tarix fərziyyələri həqiqəti əks etdirmir. Belə ki, daha əvvəl hakimiyyət orqanları tərəfindən üçgünlük dövlət vida mərasiminin keçiriləcəyi elan olunsa da, regional təhlükəsizlik və gərginlik səbəbindən dəqiq tarixlər dəfələrlə təxirə salınmışdı.

Son qərara əsasən, Xamenei ilə vida və dəfn mərasimi iyunun 26-dan – Məhərrəm ayının ilk ongünlüyü (Aşura günləri) başa çatdıqdan sonra təşkil olunacaq. Mərasimin tam təqvimi və detalları barədə yaxın günlərdə ictimaiyyətə daha ətraflı məlumat veriləcəyi qeyd olunub. Sabiq Ali Rəhbər öz vəsiyyətinə uyğun olaraq, Məşhəd şəhərində yerləşən İmam Rza türbəsində torpağa tapşırılacaq.

Xatırladaq ki, Ayətullah Seyid Əli Xamenei fevralın 28-də ABŞ və İsrail Müdafiə Qüvvələrinin (IDF) Tehrana endirdiyi birgə hava zərbələri zamanı yaxın ailə üzvləri ilə birlikdə həlak olub.

• Bakıda torpaq qiymətləri bir ayda 4% artdı
• Türkiyədən gələn TIR Zaqatalada "Şevrolet"i vurub aşırdı
• Aǧcabədidə yanğın törədən şəxs məsuliyyətə cəlb olundu
• “Bura arzular, istəklər verilişi deyil” - Hakimlər Komitəsinin sədri
• Bu yaşdan sonra sürücülük vəsiqəsi verilməyəcək?
• İki ay əvvəl ilk avtomobilini alıbmış... - Balakəndəki qəzanın təfərrüatı
• 10 heyvan kəsimi məntəqəsində ciddi nöqsanlar aşkarlandı
• Bu gün və sabah geomaqnit qasırğası gözlənilir