Xankəndidə məşhur restoranın qarşısında insident olub.

BUTA.TV lent.az-a istinadla xəbər verir ki, hadisə Kərkicahan qəsəbəsində yerləşən “Şah əsəri” restoranın qarşısında baş verib.

23 və 22 yaşlı gənclər həmin restoranın qarşısında ucadan nalayiq ifadələr işlədərək mübahisə ediblər. Hadisə zamanı onlardan biri bıçaq xəsarətləri alıb. Bu zaman polis əməkdaşları onlara irad bildirib şöbəyə dəvət etsələr də, onlar qanuni tələbə məhəl qoymayıblar. Nəticədə onlar saxlanılaraq, şöbəyə aparılıblar. Burada onlar barəsində müvafiq protokollar tərtib olunub.

Məlumata görə, hadisə günü həmin restoranda bir xanımın ad günü məclisi keçirilirmiş. Həmin xanımın tanışı olan 23 və 22 yaşlı dostlar da məclisdə iştirak ediblər. Gecə saat 22 radələrində xanım qonaqlardan birinin anası gələrək, sərxoş halda olan qızını aparmaq istəyib. Bu zaman barəsində inzibati xəta üzrə icraat aparılan şəxslərlə xanımın anası arasında mübahisə yaşanıb. Onlar restoranın önündə nalayiq ifadələr işlədərək, asayişi pozublar.

Məhkəmənin qərarı ilə onlardan 23 yaşlı şəxs 20 gün, digəri isə 15 gün müddətinə inzibati qaydada həbs olunublar.

• Dövlət Komitəsində vətəndaşların növbəti qəbulu keçirildi
• Yuşenko Şəhidlər xiyabanını ziyarət etdi
• Neft daşıyan çən vaqonlar necə yuyulur? - Video
• Əli İsa Cabbarovun maxinasiyaları və xarici maraqlar... - Kino İttifaqında nə baş verir?
• Xankəndidə məşhur restoranda bıçaqlanma...
• Hacıqabulda qətl: bacısını öldürüb polisə təslim oldu
• Yeni ingilis səfir Prezidentin qəbulunda azərbaycanca danışdı - Fotolar
• Tanınmış vəkil saxlanıldı