“Progress-2016” MTK-nın rəhbəri Emil Səməndərovun məhkəmə araşdırması başa çatıb.
“BUTA.TV”nun əldə etdiyi məlumata görə, Sumqayıt Ağır Cinayətlər Məhkəməsində keçirilən sonuncu iclasda hökm elan edilib.
Şirkət rəhbərinə Baş Prokuror yanında Korrupsiyaya qarşı Mübarizə Baş İdarəsi tərəfindən xüsusilə külli miqdarda dələduzluq maddəsi ilə verilən ittiham zərərçəkmiş şəxslərin və şahidlərin ifadələri ilə təsdiqini tapıb. Təqsirləndirilən şəxsin eyni mənzili bir neçə nəfərə satdığı sübuta yetirilib.
Hökmə əsasən, Səməndərova ittiham olunduğu maddənin sanksiyasının yuxarı həddi - 13 il həbs cəzası verilib.
Fotoda: Emil Səməndərov
![](https://qafqazinfo.az/uploads/images/semenderov.jpg")
Qeyd edək ki, hazırda təqsirli bilinən şirkət rəhbəri bu yaxınlarda məşhur iş adamı İsfəndiyar Axundovu məhkəməyə verməsi ilə gündəmə gəlmişdi. Buna səbəb isə Şərurlu İsfəndiyarın bir verilişdə onu “dələduz” adlandırması olub. Səməndərov qanuni qüvvəyə minmiş məhkəmə hökmü olmadan bu ifadəni özünə qarşı təhqir və böhtan hesab edərək qarşı tərəfin cəzalandırılmasını istəyib. Məhkəmə şikayəti əsassız sayaraq Şərurlu İsfəndiyara bəraət verib.
Sail Ağasəlim
- İstanbulda güclü yanğın – Video
- “Ermənistandan Azərbaycana ilk ixrac həyata keçirilib”
- İran təsdiqlədi: BƏƏ və Küveytə zərbələr endirib
- İranda məşhur iş adamı ağır cəza aldı
- Avstraliyadakı tələbəmizin təhsili yarımçıq qalacaq? - Rəsmi cavab
- Putinin kortejində “Katran” antidron sistemi göründü - Video
- Bu tarixlərdə bəzi məktəblərdə tədris - Onlayn olacaq
- Rusiyalı general güllələndi: Vəziyyəti kritikdir