Bakı Slavyan Universitetinin (BSU) sabiq rektoru, barəsində məcburi gətirilmə qərarı çıxarılmış Nurlana Əliyeva ötən gün keçirilən məhkəmə prosesinə gəlməyib.

Bununla artıq o ikinci dəfədir ki, məhkəməyə gəlməkdən imtina edir.

Bu halda sabiq rektoru hansı cəza gözləyir?

BUTA.TV xəbər verir ki, hüquqşünas Şamil Paşayev Bakupost.az-a açıqlamasında bildirib ki, əvvəlcə məhkəmə tərəfindən məhkəməyə çağırış məktubu göndərilməlidir.

“Çağırışdan imtina edilərsə, məhkəmə tərəfindən məcburi gətirilmə haqqında qərar qəbul edilməlidir. Həmin qərar icra edilməsi üçün polis idarəsinə göndərilir. Polis idarəsindən polis əməkdaşı təyin olunur. Çağırılan şəxsin yeri müəyyən olduqdan sonra onun gətirilməsi ilə bağlı tədbir görülməlidir. Şəxs polis əməkdaşları tərəfindən məhkəməyə gətirilməlidir”.

Hüquqşünas yalan ifadə və ifadədən boyun qaçırmanın məsuliyyət yaratdığını da bildirib:

“İfadə vermək şahidin vəzifəsidir. O dindirmə zamanı suallara ətraflı şəkildə cavab verməlidir. Şahid bilərək yalan ifadə verdikdə məsuliyyətə cəlb olunur. İfadə verməkdən imtina etdikdə isə 6 aya qədər azadlıqdan məhrum edilə bilər”.

• Prezidentlər Araz çayı üzərindəki körpüdən danışdılar
• Rüşvət, qanunsuz məscid, şişən ayaqlar - İcra başçısının işdən çıxarılmasının SENSASİON SƏBƏBLƏRİ
• “Burada müdafiəlik nə var ki?” - AYNA sədrinin müavini 20 min manat maaşdan danışdı
• Hacı Nuranın yenidən səhhətində problem yarandı
• Xankəndidə hazırda nə qədər erməni yaşayır?
• İnanılmaz: Ərəb nazir İrana zərbə endirilməsini istədi...
• İrəvandan TRİPP açıqlaması: Gizli plan var, müharibə səbəbi...
• Prezident Süleyman Mikayılovu buna görə işdən azad edib