Rusiyanın ikinci ən böyük bankı VTB sanksiyalar səbəbindən ötən ili 7,73 milyard dollara yaxın zərərlə başa vurub.

Buta.tv xəbər verir ki, VTB 2021-ci ildə rekord mənfəət (327,4 milyard rubl) əldə etsə də, ötən ili 612,6 milyard rubl xalis zərərlə başa vurub. Bankın ehtiyat xərcləri 343,3% artaraq 514,3 milyard rubla, xalis faiz gəliri isə 50,3% azalaraq 321,0 milyard rubla çatıb.

Bankın baş direktoru Andrey Kostin itkilərini tamamilə qərbin Rusiyanın maliyyə sektoruna qarşı sanksiyaları ilə əlaqələndirib. O, kredit portfelinin 20%-dən çoxu xarici valyutada olan VTB-nin, Ukraynadakı münaqişənin ilkin mərhələlərində xüsusilə ağır zərbə aldığını açıqlayıb.

VTB-nin baş maliyyə direktoru Dmitri Pyanov isə əlavə edib ki, bu il əldə ediləcək mənfəət kapitalın bərpasına ayrılacaq və 2023-cü ilin nəticələrinə görə dividend ödənilməsi planlaşdırılmır./ Apa

• Bu xəbərlərə də göz at
• Heç kim fərqinə varmır, amma vəziyyət ağırdır - Zelenski
• İran helikopter qəzası ilə bağlı yardım istədi, ABŞ imtina etdi
• Bu, Azərbaycanla qardaşlıq bağının növbəti simvoludur
• Rəisinin helikopterini azərbaycanlılar tapıb – Video
• İrəvanda anım mərasimi Azərbaycan məscidində keçiriləcək
• Ərdoğan Azərbaycana qaytarılan 4 kənddən danışdı