R.Behbudov adına 2 nömrəli Onbirillik Musiqi Məktəbinin direktoru Səadət Seyfulla qızı Eminovanın qanunsuz hərəkətləri ilə bağlı konkret faktlar barədə müraciətlər daxil olduqda müvafiq araşdırmalar aparılacaq.

Bu barədə Kult.az-a Mədəniyyət Nazirliyindən məlumat verilib.

Vurğulanıb ki, S.Eminova 2022-ci il sentyabrın 15-də Onbirillik Musiqi Məktəbinə direktor vəzifəsinə təyin edilib:

"Uşaq musiqi və incəsənət məktəblərində mühafizəçi ştatı mövcud deyil. 2022/2023-cü tədris ilində nağara sinfinə şagird qəbulu zamanı müraciətin olmaması səbəbindən hazırda məktəbdə nağara sinfi fəaliyyət göstərmir. Eyni zamanda bildiririk ki, direktorun qanunsuz hərəkətləri, o cümlədən müəllimlərin işə gəlməmələrinə şərait yaradılması, habelə maliyyə pozuntuları ilə bağlı konkret faktlar barədə müraciətlər daxil olduqda müvafiq araşdırmalar aparılacaq".

Qeyd edək ki, bəzi valideynlər sosial şəbəkələrdə musiqi məktəbində direktorun vəzifəsindən sui-istifadə etməsi ilə bağlı iddialar səsləndiriblər.

• Ermənistana ixrac edilən məhsulların dəyəri...
• Dövlət Agentliyinin yubiley tədbiri təxirə salındı: nə baş verir?
• Vüqar Qurbanovu əvəzləyəcək şəxs kimdir?
• Qadınlar üçün müddətdən artıq həqiqi hərbi xidmət azaldılır
• Vüqar Qurbanovun işdən çıxarılma səbəbi...
• Vüqar Qurbanov vəzifəsindən azad edildi
• Qəzada ölən Vahid bu kollecin tələbəsi imiş - Foto
• Məhkəmədən Vüqar Məmmədovla bağlı qərar