Dövlət Gömrük Komitəsinin İstintaq İdarəsinin müstəntiqi Nicat Qasımovun barəsindəki hökmdən yenidən kassasiya şikayəti verilib.
BUTA.TV-nin məlumatına görə, Ali Məhkəməyə müraciət edən məhkum barəsində bəraət hökmünün çıxarılmasını istəyir.
Şikayət hakim Hafiz Nəsibovun sədrliyi ilə araşdırılacaq. Məhkəmənin ilkin hazırlıq iclasının vaxtı hələlik açıqlanmayıb. Bakı Ağır Cinayətlər Məhkəməsinin hökmü ilə onun barəsində Cinayət Məcəlləsinin 70-ci (şərti məhkum etmə) maddəsi tətbiq edilib, ona şərti cəza verilib. Bakı Apellyasiya Məhkəməsi təqsirləndirilən şəxsin apellyasiya protesti təmin etməyib. İttihama görə, Nicat Qasımovun barəsində Cinayət Məcəlləsinin 179.3.2 (külli miqdarda mənimsəmə və ya israfetmə) maddəsilə ittiham elan olunub.
Cinayət işi üzrə Dövlət Gömrük Komitəsi zərərçəkmiş qismimdə tanınıb. Bundan başqa, digər zərərçəkmiş Gürcüstan vətəndaşı Jaba Jibgaşvili tanınıb. Qaçaqmalçılıqda ittiham olunan Gürcüstan vətəndaşının sərhəddən keçərkən üstündə tapılan 53 min dolların DGK-nın depozit hesabına qoyulub, Nicat Qasımov isə həmin pulu götürərək mənimsəyib.
Qeyd: Jibgaşvili başqa icraatda təqsirləndirilən şəxs qismində mühakimə olunub və 5 il müddətinə azadlıqdan mərhum edilib.
- Yalçın Rəfiyev AB-nin yüksək səviyyəli toplantısında
- Ramiz Mehdiyev Rusiyada bu qurumun üzvüymüş - Fakt
- Azərbaycan bu qırıcıların yeni partiyasını qəbul etdi
- Putin qəsdən görüş üçün bu şəhəri seçdi
- Rusiyada daha bir azərbaycanlı iş adamı həbs olundu
- Prezidentin xüsusi nümayəndəsi Arakçı ilə görüşdü
- Zakir Həsənov Özbəkistana getdi, generalla görüşdü
- İki siyahı var: Biri “beşinci kolon”, digər isə Mehdiyevin…