Polis və prokurorluq orqanlarının əməkdaşları tərəfindən birgə həyata keçirilmiş əməliyyat-istintaq tədbirləri nəticəsində əvvəlki illərdən bağlı qalan daha bir qəsdən adamöldürmə cinayətinin üstü açılıb.
Bu barədə BUTA.TV-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, 2008-ci ilin oktyabr ayının 28-də Sumqayıt şəhər sakini, 1972-ci il təvəllüdlü Tünzalə Kərimovanın qəsdən öldürülməsi faktına görə başlanmış cinayət işi üzrə Sumqayıt Şəhər Polis İdarəsinin və Şəhər Prokurorluğunun əməkdaşları tərəfindən həyata keçirilən əməliyyat-axtarış və istintaq hərəkətləri ilə qeyd edilən cinayət əməlini törətməkdə şübhəli bilinən, əvvəllər məhkum olunmuş, 1978-ci il təvəllüdlü Ərəstun Zülfüqarov tutularaq istintaqa təhvil verilib.
Saxlanılarkən ondan bir ədəd səsboğuculu “Baykal” markalı tapança, həmin silaha aid 176 ədəd patron və bir büküm heroin aşkar olunaraq götürülüb.
Cinayət işi üzrə əməliyyat-axtarış tədbirləri və istintaq hərəkətləri davam etdirilir.
- Zaqatalada qətl: həmkəndlisini öldürdü
- Bakıda “Mersedes”lə BYD toqquşdu – Anbaan video
- “İş kabinetlərimdə heç bir heykəl yoxdur, təkcə bu var” - Foto
- 8 gün əvvəl 3 yaşlı oğlu öldü, bu gün özü...
- İlham Əliyev Qurbanova "Dostluq" ordenini təqdim etdi
- Tirana ilə Bakı arasında birbaşa aviareysin açılması gözlənilir
- Aylardır maaş üzünə həsrət qalıblar - Video
- Azərbaycanda yumurta 1 qəpiyədək - Ucuzlaşdı