Bu günlərdə gənc qızı özündən asılı vəziyyətə salaraq, onu cinsi istismara məruz qoyan 54 yaşlı Salyan sakininin məhkəməsi başa çatıb. İşə Bakı şəhər Nəsimi Rayon Məhkəməsində baxılıb.
BUTA.TV xəbər verir ki, 1969-cu il təvəllüdlü Rövşən Məmmədov Cinayət Məcəlləsinin 151-ci (Seksual xarakterli hərəkətlərə məcbur etmə) maddəsi ilə təqsirli bilinib.
Belə ki, Rövşən Bakı şəhər Nəsimi rayonu ərazisində avtomobilini sığortalatdırarkən orada çalışan gənc qız – Səmayə (ad şərtidir) ilə tanış olub. Bundan sonra onların arasında münasibət yaranıb və görüşməyə başlayıblar. Növbəti görüşlərin birində Rövşən qızın intim görüntülərini lentə alıb və daha sonra bu görüntülərlə onu şantaj edərək təkrar görüşlərə məcbur edib.
Qeyd edək ki, Səmayənin Rövşənlə münasibəti pozmasından sonra o, qızın görüntülərini ailəsinə və digər yaxınlarına göndərib. Səmayənin atası bundan xəbər tutanda ürəyi partlayaraq ölüb.
Xatırladaq ki, Nəsimi Rayon Məhkəməsində Səmayə Rövşənə ağır cəza verilməsini xahiş edib.
Məhkəmənin hökmü ilə Rövşən Məmmədov 2 il 6 ay müddətinə azadlıqdan məhrumetmə cəzasına məhkum edilib və o, cəzaçəkmə müəssisəsinə göndərilib.
- Şuşada Vaqif Poeziya Günlərinin açılış mərasimi keçirildi
- Nazirlər Kabineti peşəkar mühasiblərə dair qərarını dəyişdi
- Baş nazirdən yeni qərar...
- Ucuz mənzillər hələ də satışdadır - Video
- Azərbaycanda 5 ölkənin iştirakı ilə hərbi təlim keçiriləcək
- Təltif edilmiş əməkdaşlara vəsiqələr və medallar təqdim olunub
- “ABB-Qarabağ FK” kobrend kartını artıq ABB-dən sifariş etmək olar
- Qəbul imtahanında dörd nəfər 400 bal topladı