Azərbaycanda quru sərhədlərin bağlı qalması artıq insanlarda ciddi suallar doğurur. Bunun pandemiya ilə əlaqəli olmadığı aydındır. Görünür ki, başqa səbəblər var. Bu səbəblər hələlik rəsmi şəkildə elan olunmur.
Bu barədə BUTA.TV-a açıqlamasında tanınmış iqtisadçı ekspert Natiq Cəfərli məlumat verib.
Natiq Cəfərli qeyd edib ki, 3 ildir quru sərhədlərin bağlı qalması həm turizmin inkişafında, həm də sərhədyanı ticarət baxımından ciddi problemlərə yol açır:
“Azərbaycan turizmi prioritet elan edibsə, quru sərhədləri bağlı saxlaması doğru deyil. Çünki bu ilin ilk 8 ayının məlumatlarına baxdıqda görünür ki, pandemiyadan öncəki dövrə nisbətən Azərbaycana turist az gəlib. Bu əsasən də quru sərhədlərin bağlı olması ilə əlaqədardır. Qonşu ölkələrdə isə quru sərhədlər açıqdır. Gürcüstana nəzər yetirsək, bu il rekord sayda, 6-7 milyon turist gəlməsi gözlənilir. Azərbaycana isə hələlik 8 ayda 1,2 milyon turist gəlib. Bu onu göstərir ki, quru sərhədlərin qapalı olması iqtisadiyyatda ciddi maneəyə çevrilib”.
Qeyd edək ki, Azərbaycanda xüsusi karantin rejimi 2 yanvar 2024-cü ilə qədər uzadılıb.
- Qaz limitinin artırılması ilə bağlı təklif!
- Heç vaxt belə olmamışdı: iki nazirimiz gecə 4-də…
- Dünyanın ən ucaboy liderləri: Əliyev və Ərdoğanın yeri...
- Bakıda NATO nümayəndə heyəti ilə görüş keçirildi
- Bu nazirliyin tabeliyindəki qurumların sayı artırıldı - Qərar
- Adil Kərimli BMT forumu üçün Portuqaliyaya getdi
- Ədalət Verdiyev həbs olundu
- İrandan 100 min insan Azərbaycana qaça bilər