"Gecə saat iki idi. Yoldaşım məni yuxudan oyatdı və dedi ki, qorxma, amma Emilin vəziyyəti pisləşir. Gecə 3-də onu gətirdilər, huşu özündə deyildi. Məni əvvəl tanımadı, başına sığal çəkib öpdüm. Dedim ki, atandır, baxdı və tanımadı".
BUTA.TV xəbər verir ki, bu sözləri Əməkdar artist Rəhman Rəhmanov "Bizimləsən" proqramına müsahibəsində danışıb. Sənətçi mərhum müğənni oğlu Emil Rəhmanoğlunun öləcəyini əvvəlcədən hiss etdiyini bildirib: "Səhər 9-da reanimasiyanın qapısında həkim dedi ki, oğlunuzun 2 saat vaxtı qalıb. Məni başa saldı ki, böyrəklər fəaliyyətini dayandırıb. Qan baldırında tromb yaradıb, böyrəyin, ürəyin, qaraciyərin fəaliyyətini saxlayıb. Ürəyini aparata qoşdular. Həkim necə demişdisə,elə də oldu. Saat 11-də dünyasını dəyişdi.
Onda bir şeyi hiss eləmişdim. Öləcəyi insanın ürəyinə damır. Mən həmin müddətdə məzuniyyətdə idim. Amma ürəyim Emilin yanında idi. İçimdə hiss edirdim ki, ona nəsə olacaq. Bir ay əvvəl isə Emil mənə demişdi ki, onu qardaşı İlhamın məzarına aparım. Ziyarət zamanı hönkür-hönkür ağladı. Qayıdanda dedi ki, ölsəm, məni İlhamın yanında basdırın. Bu onun sonuncu vəsiyyəti idi".
Qeyd edək ki, Emin Rəhmanoğlu sentyabrın 19-da dünyasını dəyişib./Axsam.az
- Bayden də təbrik etdi: bəs, COP29-dan biz nə qazandıq?
- Türkiyə Bakıya böhtan atan jurnalisti qovdu
- Bayden Ukrayna ilə bağlı daha bir sensasion qərara hazırlaşır
- Kopırkindən sülhlə bağlı mühüm açıqlama: Moskva istəyir ki...
- Azərbaycana “petrostate” deyənlər, 2026-dən yeni ixrac olacaq
- ABŞ-dan “sürpriz”: Ərdoğan Putinə zəng etdi - Nə baş verir?
- Ermənilər azərbaycanlıların qəbiristanlığını dağıtdı - Video
- Ermənistana silah daşınır – MN narahatdır, çağırış etdi