Bakıda şirkət rəhbərini aldadaraq 206 min manat alan şəxslərin məhkəməsi başa çatıb.
“BUTA.TV” xəbər verir ki, Bakı Ağır Cinayətlər Məhkəməsində keçirilən prosesdə 1996-cı il təvəllüdlü İntiqam İskəndərli, 1979-cu il təvəllüdlü Mustafa M, və 1982-ci il təvəllüdlü Rofiq B. Cinayət Məcəlləsinin 178.3.2 və 32.4, 312.2-ci (Külli miqdarda dələduzluq, rüşvət verməyə təhrik) maddələri ilə təqsirləndiriliblər.
Araşdırmalarla məlum olub ki, İntiqam və Mustafa “Yapsan” MMC-nin rəhbəri olan Rəşad Şirinovu şirkətinin 1 milyondan artıq olan vergi borcunu sildirəcəklərinə inandırıblar. İntiqam nazirlərdən birinin qaynı ilə dost olduğunu, həmin nazirlə bağ evində görüşdüyünü deyib və müəyyən addımlarla etibar qazanaraq Mustafa vasitəsilə şirkət rəhbərindən borcların sistemdən silinməsinə görə hissə-hissə olmaqla 206 min manat alıb. Bundan başqa İntiqamın tanışı Rofiqlə birgə bir neçə digər şəxsdən də vergi borcunun silinməsi, həmçinin başqa vədlərlə pul alması məlum olub.
Bakı Ağır Cinayətlər Məhkəməsində keçirilən proses oktyabrın 4-də başa çatıb. Məhkəmənin hökmü ilə İntiqama 6, Mustafaya 5, Rofiqə isə 4 il müddətinə həbs cəzası verilib.
Qeyd edək ki, bir neçə ay əvvəl dələduzluqla üzləşmiş "Yapsan" MMC-nin rəhbəri Rəşad Şirinov paytaxtın Səbail rayonu ərazisində intihara cəhd etmişdi.
- İrəvan Bakıdan cavab almayıb - Paşinyan
- İranı İsrail yox, neft vuracaq: Sərhədlər yenidən çəkilir?
- MOSSAD Hacızadəni öldürür, Tramp məcbur olur… - Şok ssenari
- Bakı müstəmləkə əsarəti altında olanlara dəstək verəcək
- Saakaşvili Əliyevdən yazdı: O, təkcə regionun lideri deyil!
- İlham Əliyev fərman imzaladı
- Hakan Fidan Ceyhun Bayramovu bu cür yola saldı - Video
- Sahibə Qafarova Hulusi Akarla görüşdü - Foto