Xəbər verdiyimiz kimi, amerikalı reper Snup Doqqun sentyabrın 23-də Ermənistanda baş tutmalı olan çıxışı qeyri-müəyyən müddətə təxirə salınmışdı. Məşhur reper İrəvanda çıxış etməsə də, qonorarı tam köçürülüb. 

BUTA.TV-nin erməni mediasına istinadən xəbərinə görə, “Doping Space” şirkətinin həmtəsisçisi, prodüser Makar Petrosyan bununla bağlı yerli “Hraparak” qəzetinə xüsusi müsahibə verib. Petrosyanın sözlərinə görə, Ermənistanda və onun ətrafında gərginlik səngiyəndə amerikalı reper gələcək.

Makar Petrosyan Snup Doqqun işinə vicdanla yanaşdığını deyib.

“Deyə bilərdi ki, pulunuzu ödədiniz, amma “gəlmə” dediniz. Mən də ona görə gəlmədim. Amma o, belə etmir və gün gələndə oxumağa hazır olduğunu söyləyir”, - deyə erməni prodüser qeyd edib.

“Snup Doqqun pulu qaytarmaq fikri yoxdur”, - deyə Makar Petrosyan bildirib.

Qeyd edək ki, Ermənistan hökuməti amerikalı rep ifaçısı Snup Doqqun konsertinə 6 milyon dollardan çox vəsait ayırıb. Həmin məbləğdən 1,8 milyon dollar reperin qonorarını təşkil edir. Bundan başqa, 250 min dollar onun əlavə tələblərinə - yaşayış və digər məsələlərə xərclənməli idi. 

• Leyla Əliyeva İbrahim Ailə Evini ziyarət etdi
• DİN yayılan görüntülərə aydınlıq gətirdi
• Tanınmış şairlər məmurların önündə buna görə alçalır
• Epşteyn sənədlərində adı 4 dəfə çəkilən rayonumuz hansıdır?
• Leyla Əliyeva Əbu-Dabidə Zarqa Yaftalı ilə görüşdü
• Atasını öldürən 15 yaşlı qız ev dustaqlığına buraxıldı
• Kamran Əliyev yeni rəis təyin etdi
• Narkotik çəkib maşın sürən şəxs həbs edildi - Video