Paytaxt ərazisində hüquq qaydasının qorunması, narkotik vasitələrin və psixotrop maddələrin qanunsuz dövriyyəsinə qarşı polis əməkdaşları tərəfindən profilaktik tədbirlər keçirilib.
Daxili İşlər Nazirliyinin mətbuat xidmətindən BUTA.TV-a bildirilib ki, oktyabrın 18-də keçirilən tədbirlərlə narkotiklərin qanunsuz dövriyyəsi ilə bağlı 104 fakt aşkar edilib. İctimai yerlərdə narkotik maddələrin təsiri altında olan 84, o cümlədən narkorkuryerlik etdiyinə görə axtarışda olan 16 nəfərin saxlanılması təmin edilib.
Narkotik vasitələrin qrup halında qəbul edildiyi 5 məkan müəyyən olunub. Qanunsuz dövriyyədən 6 kiloqram narkotik vasitə və psixotrop maddə çıxarılıb.
Saxlanılan şəxslərin hər biri barəsində cinayət və inzibati tədbirlər görülüb. Paytaxtda hüququpozmalara qarşı polis əməkdaşları tərəfindən tədbirlər davam etdirilir.
- İrəvan Bakıdan cavab almayıb - Paşinyan
- İranı İsrail yox, neft vuracaq: Sərhədlər yenidən çəkilir?
- MOSSAD Hacızadəni öldürür, Tramp məcbur olur… - Şok ssenari
- Bakı müstəmləkə əsarəti altında olanlara dəstək verəcək
- Saakaşvili Əliyevdən yazdı: O, təkcə regionun lideri deyil!
- İlham Əliyev fərman imzaladı
- Hakan Fidan Ceyhun Bayramovu bu cür yola saldı - Video
- Sahibə Qafarova Hulusi Akarla görüşdü - Foto