Bu gün İstanbul Birjasının fəaliyyəti bir müddət dayandırılıb. “Sözcü” telekanalı xəbər verir ki, bu, birjanın əsas indeksi olan BIST100 5 faiz ucuzlaşmasından sonra baş verib.

Ucuzlaşmanın əsas səbəbi kimi ekspertlər Türkiyə Prezidenti Rəcəb Tayyib Ərdoğanın bu gün parlamentdə İsrail əleyhinə səsləndirdiyi sərt bəyanatları göstərirlər. Prezident Ərdoğan Fələstin-İsrail münaqişəsinin gərginləşməsi ilə əlaqədar Türkiyə rəsmilərinin İsrailə planlaşdırılan bütün səfərlərinin ləğv edildiyini açıqlayıb. Bu isə İstanbul birjasında panikaya və sürətli enişə səbəb olub.

BIST100 indeksi 5 faiz endikdən sonra birjadakı “panik əməliyyatları” səbəbindən investor itkilərini minimuma endirmək üçün mövcud olan avtomatik bağlanma sisteminin işə düşməsinə və birjanın fəaliyyətinin müəyyən müddətə dayanmasına gətirib çıxarıb.

• Bu xəbərlərə də göz at
• Bunlar sübut edir ki, helikopter qəzaya uğrayıb - Video
• Ərdoğan Rəisinin vəzifəsini yerinə yetirən Müxbirlə danışdı
• İranın Bakıdakı səfirliyində matəm kitabı açılacaq
• Hidayət Heydərov dünya çempionu oldu
• Ərdoğan İlham Əliyevə zəng etdi
• İşlər yekunlaşdı, Tiflisə qatarla yüklər yola slaındı