ASALA terror təşkilatı yeni video yayıb. Videoda üzü bağlı olan üç terrorçu Qarabağda baş verənlərə görə günahın Nikol Paşinyanda olduğunu və onun cəzalandırılacağını bəyan ediblər.
BUTA.TV xəbər verir ki, ASALA-nın adından yayılan bu bəyanat Ermənistanda ciddi müzakirələrə səbəb olub. Paşinyana qarşı Qarabağla bağlı ittihamlar fonunda 1999-cu il ssenarisinin – parlamentin gülləboran edilməsi – təkrarlana biləcəyi təhlükəsinin olduğu deyilir. Lakin ASALA terrorçularından olan Vazgen Sislyan bu videonu təkzib edib. Bildirib ki, onlar belə bir bəyanat verməyiblər. V.Sislyan ASALA terror təşkilatının ləğv edilmədiyini də açıqlayıb.
Daha sonra ASALA terror təşkilatı da bəyanat yayıb və yayılan videonu təkzib edib.
Bu videonun Paşinyan hakimiyyəti tərəfindən təşkil edildiyi və “iqtidara təhlükə var” görüntüsü yaratmaq məqsədi daşıdığı istisna edilmir. Hərçənd, videonun yayılmasından sonra verilən reaksiyalar ASALA terror təşkilatının hələ də fəaliyyət göstərdiyini təsdiq edir.
ASALA və digər erməni terror təşkilatlarının hədəfi Azərbaycan və Türkiyə olub. Qarabağda erməni separatizminin ləğvindən sonra terror təşkilatının “üzə çıxması” yeni risklərin ola biləcəyi ehtimalını ön plana çıxarır. ASALA-nın xüsusilə xaricdə diplomatlarımızı və diaspor üzvlərimizi hədəfə ala biləcəyi təhlükəsi həmişə mövcuddur.
- Bakı, Aşqabad və Daşkənd üçtərəfli tərəfdaşlıq mərhələsinə keçir
- Paşinyan Bakı ilə razılaşmadan danışdı
- Azərbaycanla sülh əsas məqsədimizdir - Mirzoyan
- KİV: İrəvan Bakı qarşısında silahlarla bağlı öhdəlik götürüb
- Azərbaycan “Qızıl qapı”nı azad etdi - Türk politoloqdan şok
- “Sədərək”də yanğın gecə saatlarında şiddətləndi - Video
- Gürcüstanda ilk dəfə azərbaycanlı qadın leytenant oldu
- Paşinyandan Qarabağla bağlı üç etiraf...