Bu gün açılışında iştirak etdiyimiz Ümummilli Lider Heydər Əliyevin 100 illik yubileyi çərçivəsində 9-cu Bakı Beynəlxalq Kitab Sərgisinə Azərbaycan daxil olmaqla, 12 ölkədən 160-dan çox nəşriyyatlar qatılıb. Bu bölgədə öz möhtəşəmliyi və məzmun zənginliyi ilə seçilən sərgilərdəndir.

Kult.az xəbər verir ki, bu sözləri jurnalistlərə açıqlamasında Azərbaycanın mədəniyyət naziri Adil Kərimli deyib.

Prezident İlham Əliyevin tapşırıqları və müvafiq sərəncamları ilə kitab sənayesinin inkişafı istiqamətində çoxsaylı tədbirlər görüldüyünü vurğulayan A.Kərimli bildirib ki, əsas məqsədlərdən biri uşaq ədəbiyyatının təbliğ edilməsidir.

“Azyaşlıların oxu mədəniyyətinin formalaşmasına böyük önəm veririk. Azərbaycanın dili və ədəbiyyatı çox zəngindir. Sevindirici haldır ki, texnoloji inkişafa, rəqəmsal dünyanın həyatımızın əsas tərkib hissəsinə çevrilməsinə baxmayaraq, klassik kitablarımız yenə də vətəndaşlar tərəfindən böyük həvəslə oxunur”, - deyən nazir əlavə edib ki, Qarabağda işğal dövründə ermənilər tərəfindən Azərbaycanın mədəni mülkiyyətinin tərkib hissəsi kimi beş milyondan çox kitab fondumuzun tamamilə məhv edilməsi ağrılıdır. Lakin bu gün Prezident İlham Əliyevin rəhbərliyi ilə Qarabağda mədəni həyat canlanmaqdadır.

Nazir, eyni zamanda, qeyd edib ki, bu sərgidə Qarabağ üçün kitabların toplanması və kitab fondunun zənginləşdirilməsi istiqamətində aksiyalar da həyata keçiriləcək.

• Bakıda dəhşət: Maşınlar torpağın altında qaldı - Video
• İlham Əliyev "Yeni Səngəçal" yarımstansiyasının açılışında...
• Prezident açılışda - Fotolar
• Kartlara limit qoyuldu: ABA-dan açıqlama
• Bakıda 4 yaşlı uşaq 13-cü mərtəbədən yıxılaraq öldü
• Sabiq nazir Tovuzda dəfn edildi - Foto
• Azərbaycanda yay fəsli oktyabra qədər uzana bilər
• İki ay əvvəl işdən çıxarılan rəisə - Cinayət işi açıldı