Necə ola bilər ki, İran Prezidenti İbrahim Rəisi 9 noyabrda Daşkənddə azərbaycanlı həmkarı İlham Əliyevlə görüş zamanı Azərbaycanın uzun illərdən sonra öz ərazi bütövlüyünün təmini, Qarabağın yenidən Azərbaycana qovuşması münasibətilə dövlət başçımızı təbrik edir, bundan bir gün sonra İranın Ermənistandakı səfiri Mehdi Sübhani öz prezidentinin söylədiklərinin əksini bildirib?

BUTA.TV xəbər verir ki, bu sözləri politoloq Elxan Şahinoğlu İranın Ermənistandakı səfiri Mehdi Sübhaninin “Sivilnet”ə müsahibəsində səsləndirdiyi fikirləri şərh edərkən deyib.

O bildirib ki, İran səfiri Azərbaycanın Qarabağda “etnik təmizləmə” həyata keçirdiyinə işarə edərək, Qarabağda ermənilərin “legitim” haqlarının bərpasının vacibliyindən danışıb:

“İran səfirinin bu mövzuda danışmağa haqqı yoxdur. Birincisi, ermənilər Azərbaycan qanunları ilə yaşamaq istəmədiklərinə və Azərbaycan vətəndaşlığını qəbul etmədiklərinə görə ərazimizi tərk ediblər. Bu onların seçimidir. İkincisi, Tehran İranda yaşayan hansı etnik qrupun legitim haqlarını təmin edib ki, indi iranlı diplomat bizə bu mövzuda “məsləhət” vermək istəyib?

İran prezidenti ilə bu ölkənin səfirinin bir-birinə zidd açıqlamalar verməsi ondan xəbər verir ki, Tehran Azərbaycanla münasibətlərdə, əvvəlki kimi, səmimi deyil. Bunu Bakı da anlayır. Təsadüfi deyil ki, Azərbaycan Xarici İşlər Nazirliyi iranlı diplomatın təxribatçı fikirlərini pisləyib. Azərbaycan Xarici İşlər Nazirliyi İran rəsmilərinin və diplomatlarının eyni mövzuda fərqli fikirlərinə diqqəti çəkib”.

• Ağdərədə mina partladı: xəsarət alanlar var
• Qəzada ölən xanımın qızı 3 il əvəl qazdan boğulubmuş - Foto
• Siyəzəndə avtoxuliqanlıq edən sürücülər saxlanıldı - Video
• Tələbə qızı dəm qazından boğulmuşdu - 3 il sonra qəzada öldü
• Moskvadan Bakıya toya gələn iki xalaoğlu dənizdə batdı
• Jurnalistikaya qəbul olmaq istəyənlərin nəzərinə!
• Bakının bu rayonunda işıq olmayacaq
• "Hazır qida məhsulları"dan 112 kq narkotik çıxdı - Video