Bakı şəhərinin Yasamal rayonunda sursat aşkar edilib.

BUTA.TV xəbər verir ki, bu barədə Fövqəladə Hallar Nazirliyinin “112” qaynar telefon xəttinə məlumat daxil olub.

Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların 1 ədəd RQ-42, 1 ədəd RQN-D, 1 ədəd F-1 və 1 ədəd RQN əl qumbarası, 1 ədəd UZRQM partladıcı, 1 ədəd UDZ partladıcı və 1 ədəd RQD-5 təlim üçün əl qumbarası olduğu müəyyən edilib.

Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.

• “Nazir mənə təşəkkür etmişdi, indi qatil, cani olmuşam...”
• Dənizdə batanlar AzTV əməkdaşının bacı-qardaşlarıdır
• İki gün əvvəl dənizdə batan gəncin meyiti sahildə tapıldı
• Ramin Məmmədov onu rəis təyin etdi
• Elektron siqaretlərin mülki dövriyyəsi qadağan edildi
• Bakı-Tiflis qatarı: sərhəddə keçid müddətinin 2 dəfə...
• Bakının bu qəsəbəsində su olmayacaq
• Çalışdıqları marketi soydular