"Apple", "Warner Bros.", "Walt Disney", "Lionsgate", "Paramount", "Discovery", "Sony Pictures" və "IBM" daxil olmaqla bir neçə məşhur şirkət "X" sosial şəbəkəsində (keçmiş tvitter) reklamlarını dayandırıb.

BUTA.TV xəbər verir ki, buna səbəb sosial şəbəkənin sahibi, milyarder İlon Maskın "X"də yayımlanan qalmaqallı paylaşımı bəyənməsi olub. Mask istifadəçilərdən birinin paylaşığı - qaradərililərə qarşı dayandırılması tələb olunan nifrətin ağdərililərə qarşı yayılması, Qərbin yəhudiləri sevməməsi və bunu onlara hiss etdirməsi istiqamətindəki ifadələri dəstəkləyib. Milyarderin paylaşıma "Bu, əsl həqiqətdir" şərhini yazması tənqidlərlə üzləşməsi ilə nəticələnib.

"Space X"in yaradıcısı hətta Ağ Ev tərəfindən də tənqid olunub. "Amerikalılar olaraq bizim əsas dəyərlərimizə zidd olan antisemitizm (yəhudi düşmənçiliyi - red.) və irqçiliyin bu iyrənc təbliğatını qətiyyətlə pisləyirik" deyə ABŞ hökumət məlumat yayıb.

Avropa Komissiyasının nümayəndələri sosial şəbəkələrdə, xüsusən Fələstin-İsrail münaqişəsi ilə bağlı dezinformasiyanın yayılması fonunda bütün Aİ icraçı xidmətlərindən "X"də reklamı dayandırmağı xahiş edib.

• Bakıda keçirilən COP29-un bitəcəyi tarix açıqlandı
• Netanyahu Bakıya gələrsə, həbs ediləcək? - “Məntiq bunu deməyə əsas verir”
• Japarov Azərbaycanla bağlı bu sazişi təsdiqlədi
• COP29 Sədrliyi bəyanat yaydı
• Prezident bu nazirə ali xüsusi rütbə verdi
• Berbok Bakıdan səsləndi: Kritik məqama yaxınlaşırıq!
• Bu sahəyə ayrılan pullar düzgün xərclənilmir - BMT
• Qazaxın azad olunan kəndlərində yeni zastavalar tikiləcək