Son zamanlar açıq-saçıq geyimlərinə görə müzakirə predmetinə çevrilən Xalq artisti Tünzalə Ağayeva mövzu ilə bağlı açıqlama verib

BUTA.TV Bizim.media-ya xəbər verir ki, o, “Zarafat bir yana” axşam şousunda danışıb.

Şounun qaydalarına görə tamaşaçılardan biri mikrofon önünə keçərək Ağayevaya sual ünvanlayıb: “Bəzi xanım müğənnilər sərbəst geyimlərinə görə tənqid olunur və ya tamaşaçılar onların bu cür geyimlərini birmənalı qarşılamır. Amma siz, Tünzalə xanım, o müğənnilərdən idiniz ki, daha əvvəlki geyimlərinizlə nümunə göstərilirdiniz və nümunəvi sayılırdınız. Sizin fikrinizcə, indi hansı müğənnini nümunə göstərmək olar?” 

T. Ağayeva suala belə cavab verib:

“Hər müğənni özünə görə nümunədir. Bir müğənni nümunə geyiminə görə deyil, sənətə görə ölçülür. Geyim tamamən səhnənin ab-havası, obrazı, əlçatmazlığı ifadə edir. Hər hansısa bir sahə sənət sahəsinə bənzəmir. Elə insan zövqü var ki, bunu xaricdə qəbul edir, xarici ifaçılarda... Müxtəlifliyi, rəngarəngliyi... Amma bizdə nədənsə hesab edirik ki, 70-ci illərdə ifaçılar necə idilərsə, elə də olmalıdır. Elə bir şey yoxdur. Sənətlə, intellektlə, peşəkarlıqla götürülməlidir. Türkiyədə elə müğənnilər var ki, onlar qədər cəsarətli deyilik (gülür), amma tamaşaçı onları çox sevgi ilə qarşılayır. Sənət insanı isə o insandır ki...

Baxın, qarşımda siz, publika varsınız və mən varam. Əgər mən səhnəyə çıxıb, qarşımdakı olan publikadan seçilməyəcəyəmsə, siz o müğənniyə baxmayacaqsınız. Əgər tamaşaçı müğənniyə baxıb qıcıq olursa, o, onun beyninin problemidir. Müğənninin problemi deyil”. 

• Tanınmış şairlər məmurların önündə buna görə alçalır
• Epşteyn sənədlərində adı 4 dəfə çəkilən rayonumuz hansıdır?
• Leyla Əliyeva Əbu-Dabidə Zarqa Yaftalı ilə görüşdü
• Atasını öldürən 15 yaşlı qız ev dustaqlığına buraxıldı
• Kamran Əliyev yeni rəis təyin etdi
• Narkotik çəkib maşın sürən şəxs həbs edildi - Video
• Dəniz Əsədova hakim qarşısında - Foto
• Sabah 2 rayonda qaz olmayacaq